PPI NEWS Bulletin 0900پی پی آئی نیوز بلیٹ

ہیڈ لائینز:۔

کراچی: لانڈھی نمبر 89 میں دھماکا، 3 رینجرز افراد زخمی
افغان سیکیورٹی معاہدے کی ڈیڈلائن بڑھائی جاسکتی ہے،وائٹ ہاوس
روپے پر ڈالر کا دباو کم ہو گیا، انٹر بینک میں ڈالر کی قدر میں 57 پیسے کی کمی
یوٹیلٹی اسٹورز پر چینی 55 کے بجائے 50 روپے فی کلو فروخت ہوگی
اور
مالاکنڈ ڈویڑن، کشمیر اور گلگت بلتستان کے میں بارش اور برفباری کا امکان

خبروں کی تفصیل:۔

کراچی کے علاقے لانڈھی نمبر 89 میں دھماکا ہوا ہے جس میں اب تک کی اطلاعات کے مطابق 3 افراد زخمی ہوئے ہیں۔ پولیس کے مطابق حملے میں رینجرز کو نشانہ بنایاگیا ہے اور دھماکے میں زخمی ہونے والے تینوں افراد رینجرز کے اہلکار ہیں۔ دھماکے کے فوری بعد ریسکیو ٹیمیں جائے وقوعہ پر روانہ ہوگئی ہیں۔ذرائع کے مطابق رینجرز اہلکار ڈیوٹی پر جارہے تھے کہ انہیں ٹمبر مارکیٹ کے قریب نشانہ بنایا گیا۔ ریسکیو ذرائع کے مطابق 2رینجرزاہلکاروں کی حالت تشویشناک ہے۔ ذرائع کے مطابق دھماکا خیز مواد موٹر سائیکل میں نصب تھا کیا گیا تھا۔

امریکا کاکہناہے کہ افغان سیکیورٹی معاہدے کی ڈیڈلائن بڑھائی جاسکتی ہے۔حامد کرز ئی 10 جنوری تک بھی دستخط کردیں تو حرج نہیں۔وائٹ ہاوس کے نائب ترجمان ہوزیارنسٹ کا کہنا ہے کہ افغانستان اور امریکا کے درمیان باہمی سیکیورٹی کے معاہدے پر رواں برس کے آخر تک دستخط ہونا ضروری ہیں۔تاہم اس میں 10جنوری تک کی تاخیر بھی ہوتی ہے تو کوئی بڑا مسئلہ نہیں۔

روپے کی قدر پر ڈالر کا دباو کم ہوتا دکھائی دے رہا ہے، انٹر بینک میں ڈالر کی قدر میں 57 پیسے کی کمی کے بعد ڈالر 107 روپے 20 پیسے کی سطح پر ٹریڈ ہورہا ہے۔انٹر بینک میں ڈالر کے مقابلے میں روپے کی قدر میں اضافہ دیکھا گیا اور انٹربینک میں ڈالر 57 پیسے کی کمی کے بعد ڈالر 107 روپے 20 پیسے پر ٹریڈ ہورہا ہے،بینکنگ ذرائع کے مطابق مرکزی بینک کی جانب سے بینکوں کو ڈالر کی فراہمی میں اضافہ ہوگیا ہے، اس کے علاوہ وزیر خزانہ اسحاق ڈار کی طرف سے یقین دہانی کہ ملک میں ڈالر کی ترسیل میں اضافہ ہوجائے گا ، روپیہ مزید مستحکم ہونے کا امکان ہے توقع ہے کہ آئی ایم ایف ، اسلامی ترقیاتی بینک اور ایشیائی ترقیاتی بینک سے 90 کروڑ ڈالرحاصل ہونگے ،اس کے علاوہ امریکا سے بھی سرمایہ کاری کی توقعات ہیں ،جس کے باعث گرتے ڈالر کے ذخائر میں استحکام متوقع ہے

کابینہ کی اقتصادی رابطہ کمیٹی نے پاکستان بھر میں یوٹیلٹی اسٹورز پر چینی 5 روپے فی کلو سستی کرنے کا فیصلہ کیا ہے۔ ذرائع کے مطابق یوٹیلٹی اسٹورز پر چینی 55 کے بجائے 50 روپے فی کلو فروخت ہوگی۔ ذرائع کے مطابق انتظامیہ نے یہ بھی فیصلہ کیا ہے کہ اگر کوئی اسٹور مالک طے شدہ قیمت سے زیادہ قیمت پر چینی فروخت کرے گا تو اس کے خلاف کارروائی کی جائے گی۔

محکمہ موسمیات کے مطابق آج مالاکنڈ ڈویڑن، کشمیر اور گلگت بلتستان کے چند مقامات پر ہلکی بارش اور برف باری کا امکان ہے جبکہ پنجاب کے میدانی علاقوں میں شدید دھند رہے گی، مری میں موسم سرما کی پہلی برفباری کے بعد سیاحوں کی آمد میں اضافہ ہوگیا ہے۔ نتھیاگلی سمیت گلیات کے مختلف تفریحی مقامات پر بھی گزشتہ روز برفباری ہوئی جس کے بعد موسم خاصا سرد ہوگیا ہے۔گلگت بلتستان ،دیر اور آزادکشمیرکے بالائی علاقوں وادی نیلم، وادی لیپہ اور کرنالہ میں پہاڑوں پر برفباری ہوئی۔ اسلام آباد راولپنڈی اور پشاور سمیت پنجاب اور خیبر پختونخوا کے مختلف مقامات پر ہلکی بارش بھی ہوئی جس کے بعد سردی میں اضافہ ہوگیا ہے۔بدھ کے روز سب سے کم درجہ حرارت اسکردو میں منفی6 ڈگری سینٹی گریڈ رہا۔