(Indonesia’s first sea protectors)انڈونیشین سمندری محافظ

انڈونیشین جزیرے بالی کا ایک گاﺅں غیرملکی سیاحوں میں بہت مقبول ہے، اس گاﺅں سے مونگوں کی چٹان کا خوبصورت نظارہ سیاحوں کے دل جیت لیتا ہے۔اٹھارہ سال قبل یہاں ماہی گیری کے باعث مونگے کی چٹان کو خطرہ لاحق ہوگیا تھا، تاہم ایک مقامی ماحولیاتی ٹیم کے باعث گاﺅں کی خوبصورتی دوبارہ لوٹ آئی ہے۔

Made Gunaksa ایک ماحولیاتی کارکن ہیں۔

 (male) Made Gunaksa “ہم لوگ اس شیشے کی سطح والی کشتی میں موجود ہیں، اس طرح ہم کشتی کے فرش سے مونگوں کی چٹان کا واضح نظارہ کرپارہے ہیں”۔

Made Gunaksa کشتی میں متعدد بچوں کو مونگوں کی چٹان کی سیر کرا رہے ہیں۔

 (male) Made Gunaksa “یہ چٹان مونگوں کی ماں ہے، مچھلیاں یہاں کھیلنا پسند کرتی ہیں”۔

تاہم دو دہائی قبل صورتحال ایسی نہیں تھی، مونگوں کی چٹان مقامی ماہی گیروں کی جانب سے مچھلیوں کے شکار کے لئے بم استعمال کرنے کے باعث تباہ ہورہی تھی۔Wayan Werta گاﺅں کے سابق سربراہ ہیں۔

 (male) Wayan Werta “ماضی میں صورتحال بہت خراب تھی، ماہی گیر شکار کیلئے پوٹاشیم(potassium) اور بم استعمال کرتے تھے، جس کے باعث مونگے ختم ہوتے جارہے تھے، جس کی وجہ سے ماہی گیروں کی آمدنی بھی کم ہوگئی تھی۔ بموں اور پوٹاشیم کے باعث مونگے مررہے تھے، جس سے سمندر میں مچھلیوں کی پیداوار بھی کم ہوگئی”۔

Pemuteran نامی گاﺅں نے اس صورتحال میں سمندر کے تحفظ کیلئے ٹیم تشکیل دینے کا فیصلہ کیا۔ Made Gunaksa بھی اس سمندر کو بچانے والی مہم میں شامل رہے ہیں۔

 (male) Made Gunaksa “سمندر کے تحفظ کیلئے کام کرنے والے افراد گاﺅں کی روایات کے تحت کام کرتے ہیں، ان کا کام سمندر کا تحفظ اور روایات کا خیال رکھنا ہے۔ یہ ٹیم میرین اور فشری دفاتر کے ساتھ ملکر کام کرتی ہے، اور سمندر کا تحفظ مقامی قوانین کے تحت کیا جاتا ہے”۔

اس وقت گاﺅں میں تیس افراد سمندر کے تحفظ کا کام کررہے ہیں، اب انڈونیشیاءکے دیگر دیہات میں بھی اس حکمت عملی کو اپنایا جانے لگا ہے۔Made Gunaksa اس ٹیم کے روزمرہ کے فرائض بتارہے ہیں۔

 (male) Made Gunaksa “ہم صبح دس بجے سمندر کا گشت شروع کرتے ہیں، ہم مقامی دفتر سے رابطہ کرنے کے بعد سمندر میں نکلتے ہیں۔ ہم بحری دوربین کے ذریعے سمندر کا جائزہ لیتے ہیں، اگر کوئی مشتبہ کشتی نظر آ تی ہے تو ہم اس کا تعاقب کرکے دیکھتے ہیں کہ وہ اس علاقے میں کیا کررہی ہے”۔

روزانہ یہ ٹیم سمندر میں چار کلومیٹر تک گشت کرتی ہے، کئی بار یہ لوگ میری ٹائم اہلکاروں کے ساتھ ملکر بھی شرپسند ماہی گیروں کے خلاف کارروائی کرتے ہیں۔ Made Gunaksa اس بارے میں بتارہے ہیں۔

 (male) Made Gunaksa “اگر کوئی ماہی گیرمچھلی کی ایسی نسل پکڑ رہا ہو جس کے خاتمے کا خطرہ ہو تو اسے مقامی روایات کے مطابق سزا دی جاتی ہے۔ان لوگوں کو مقامی برادری سے الگ کردیا جاتا ہے اور انہیں مقامی تقاریب میں شرکت کی اجاز ت بھی نہیں دی جاتی”۔

ایک کتاب میں اب تک پکڑنے جانے والے ماہی گیروں کے نام لکھے ہوئے ہیں، 2004ءسے اب تک اٹھائیس افراد کو سزائیں سنائی جاچکی ہیں، پکڑے جانے کے بعد ماہی گیر کو ایک حلفیہ بیان دینا پڑتا ہے۔

اس ٹیم کے علاوہ گاﺅں کے رہائشی biorock ٹیکنالوجی بھی مونگوں کی چٹان کو بچانے کیلئے استعمال کرتے ہیں۔

اس ٹیکنالوجی کے تحت لوہے کے فریموں کو مونگوں کی تعداد بڑھانے کے لئے استعمال کیا جاتا ہے۔Komang Astika ایک این جی او کے منیجر ہیں۔

 (male) Komang Astika “ہم لوہے کے فریم پانی میں ڈال دیتے ہیں، جسکے بعد اس میں بجلی گزارتے ہیں، جس سے اس کی سطح پر کیمیائی تبدیلیاں آتی ہیں اور وہ سمندری مونگوں کی افزائش نسل کے لئے موزوں ہوجاتے ہیں۔ ان فریمز میں مونگوں کی افزائش نسل عام معمول سے زیادہ تیزرفتاری سے ہوتی ہے”۔

گاﺅں کی جانب سے مونگوں کی چٹانوں کے تحفظ پر اسے اقوام متحدہ کے ترقیاتی پروگرام نے سو ممالک کے آٹھ سو پروگرامز کے مقابلے میں ایوارڈ سے بھی نوازا ہے۔ Agung Prana ایک این جی او Biorock Karang Lestari کے سربراہ ہیں۔

 (male) Agung Prana “ہمیں برازیل سے بیس ہزار ڈالرملے، ہم نے اس رقم کو سبز توانائی نظام تعمیر کرنے کے لئے استعمال کیا، اس بجلی کو ہم سمندری لہروں میں استعمال کرتے ہیں، ہم نے ناروے سے چند آلات اور تیکنیکی مدد بھی حاصل کی”۔

عالمی ایوارڈ کا ملنا مقامی افراد کی سخت محنت کا ثمر ہے۔ گاﺅں کے لوگ مستقبل میں بھی مونگوں کے تحفظ کیلئے پرعزم ہیں۔