PPI NEWS Bulletin 0900 پی پی آئی نیو زبلیٹن

ہیڈلا ئنز:۔

بجلی کی فرا ہمی میں کسی قسم کی لا پرواہی نہ برتی جا ئے ، صدر زرداری
شریف خاندان کیخلاف ریفرنسز کی بحالی، مقدمے کی سماعت آج ہوگی
لوئردیرمیں کاردریامیں جاگری، ایک ہی خاندان کے سات افراد جاں بحق
لندن اولمپکس، جمیکا کے یو سین بو لٹ دنیا کے تیز ترین ایتھلیٹ برقرار
Business
اور
ملک کے اکثر حصو ں میں مو سم خشک،چند مقا ما ت پر با رش کا امکا ن

خبرو ں کی تفصیل:۔

ایوان صدر میں بجلی کے بحران پر اجلاس ہوا، صدر نے ہدایت کی کہ عوام کو بجلی کی فراہمی میں کوئی کوتاہی نہ برتی جائے۔اجلا س کی صدر آصف علی زرداری اور وزیراعظم راجہ پرویز اشرف نے کی۔ صدر زرداری نے کہا کہ توانائی بحران ایک اہم مسئلہ بن گیا ہے، بجلی کی فراہمی سے متعلق انہیں روزانہ کی بنیاد پر آگاہ کیا جائے۔ وفاقی وزیر پانی و بجلی احمد مختار نے اجلاس کو بجلی کی فراہمی کی صورتحال سے متعلق آگاہ کیا۔ ان کاکہناتھا کہ ملک میں بجلی کی صورتحال بہترہورہی ہے اورپانی کے ذخائر میں بہتری سے صورتحال مزیدبہترہوجائے گی۔ وفاقی وزیرڈاکٹرعاصم حسین نے اجلاس کو بجلی کی پیداوار کیلئے گیس اورایندھن کی دستیابی سے متعلق آگاہ کیا۔صدرزرداری نے اس موقع پرہدایات جاری کیں کہ انھیں ملک میں جاری بجلی کے بحران کی صورتحال سے ہرحال میں باخبررکھا جائے۔

شریف خاندان کے خلاف ریفرنسز کی بحالی کے مقدمے کی سماعت آج راولپنڈی کی احتساب عدالت میں ہوگی۔اتفاق فاو¿نڈری اور کرپشن ریفرنسز میں عدالت نے مسلم لیگ (ن) کے سربراہ نواز شریف، وزیراعلیٰ پنجاب شہباز شریف اور انکے اہل خانہ کو آج عدالت میں طلب کررکھا ہے۔ سماعت احتساب عدالت نمبر چار راولپنڈی کے جج چوہدری عبدالحق کریں گے۔ شریف فیملی کے خلا ف حدیبیہ پیپر ملز کیس کی سما عت پندرہ اگست کو ہو گی۔ شریف برادران کے وکیل اکرم شیخ کا کہنا ہے کہ شریف برادران کے خلاف یہ ریفرنس تب دائر کئے گئے جب وہ اٹک جیل میں تھے۔ 12 سال بعد ان ریفرنسز کی بحالی کی درخواست کا مقصد صرف سیاسی انتقام ہے جبکہ نیب کے وکیل چوہدری ریاض کا مو قف ہے کہ ریفرنس کی بحالی کی درخواست نیب آرڈیننس کے عین مطابق ہے۔ یہ ریفرنسز چیئرمین نیب کا تقرر نہ ہو نے کی وجہ سے رکے ہوئے تھے۔

لوئردیرمیں کاردریامیں جاگری جس کے نتیجے میں ایک ہی خاندان کے سات افراد جاں بحق ہوگئے۔ لوئردیرمیں چے کدہ کا رہائشی خاندان درگئی جارہا تھاکہ چک درہ میں حادثہ پیش آیا۔ بادوال کازیرتعمیر پل عبورکرتے ہوئے گاڑی بے قابو ہوگئی اوردریائے سوات میں گرگئی جس کے نتیجے میں تمام افراد جاں بحق ہوگئے۔جاں بحق افراد میں دو خواتین اور تین بچے بھی شامل ہیں۔ حادثے کے بعد مقامی افراد نے ڈوبنے والوں کی تلاش شروع کی۔ مقامی افراد نے اپنی مدد آپ کے تحت جاں بحق افراد کی میتیں سول اسپتال چک درہ منتقل کیں۔

جمیکا کے یوزین بولٹ نے دنیا کے تیز ترین ایتھلیٹ کا اعزاز برقرار رکھا اور لندن اولمپکس میں مردوں کی سو میٹر دوڑ 9 اعشاریہ چھ تین سکینڈز میں جیت لی۔ریس شروع ہوئی تو ہر کھلاڑی اپنی لائن اور اختتامی لکیر پر نظر رکھے ہوئے تھا۔ تاہم یوزین بولٹ جیت کے لئے اتنے پر امید تھے کہ ان کی نظر بار بار گھڑی کی طرف جا رہی تھی۔ ریس کے دوران یوزین بولٹ نے سب کو پیچھے چھوڑ دیا۔اور فنش لائن کو عبور کر کے دنیا کے تیز ترین ایتھلیٹ کا اعزاز دوسری بار اپنے نام کیا۔ اس موقع پراسٹیڈیم میں ہزاروں شائقین نے یوزین بولٹ کو دل کھول کر داد دی۔ مقابلے کے اختتام پر یوزین بولٹ نے خوشی مناتے ہوئے اپنے روایتی انداز میں ہاتھوں کو لہرایا۔ یوزین بولٹ نے اس پہلے 2009کے برلن گیمز میں 100 میٹر کا فاصلہ 9 اعشاریہ پانچ آٹھ سیکنڈزمیں طے کر کے ورلڈ ریکارڈ قائم کیا تھا۔

عالمی کرنسی مارکیٹ میں ڈالر کی قدر بڑھ گئی جبکہ اسٹاک مارکیٹوں میں تیزی کا رجحان دیکھا گیا تاہم سونے اور چاندی میں سرمایہ کاروں کی دلچسپی کم ہوگئی۔رواں سال کے پہلے سات ماہ کے دوران پاکستانی روپے کے مقابلے میں ڈالر کی قدر پانچ فیصد بڑھ گئ۔ تاہم جولائی کے دوران اس میں صرف اعشاریہ دو فیصد کا اضافہ ہوا۔ تاہم اس سال کے دوران یورو کی قدر بھی چھ فیصد کم ہوئی ہے۔ تاہم ین کی قیمت دو فیصد بڑھ گئی۔ جب ترقی یافتہ ممالک کی اسٹاک مارکیٹوں میں ساڑھے چھ فیصد کی بہتری دیکھی گئ۔ بیش قیمت دھاتوں میں سونے اور چاندی کی قدر میں کوئی خاص ردوبدل نہ دیکھی گئی۔

محکمہ موسمیات کے مطابق آ ئندہ 24 گھنٹو ں کے دوران ملک کے بالائی اور وسطی علاقے بارشوں کی لپیٹ میں رہیں گے۔ ملک کے اکثر مقا ما ت پر مو سم گرم اور مر طو ب رہے گا تا ہم اسلام آباد، راول پنڈی ،مالاکنڈ، ہزارہ،پشاور، کوہاٹ، سرگودھا، لاہور،فیصل آباد ڈویژن اور کشمیرو گلگت بلتستان میں چند ایک مقامات پر تیز ہواویں اور گرج چمک کے ساتھ بارش کا امکان ہے آج ملک کے چند شہروں مےں زےادہ سے زےادہ اور کم سے کم درجہ حرارت کچھ اس طرح رہنے کا امکا ن ہے ۔اسلام آباد37اور 28، لاہور41اور26، کراچی32اور26، پشاور39اور29، کوئٹہ38اور18، مظفرآباد35اور26، ساہیوال 39اور27سرگودھا40اور28 ، بہاولنگر40اور30، فیصل آباد39اور29جبکہ ڈیرہ اسمعیل خان میںزیادہ سے زیادہ 40اورکم سے کم27ڈگری سینٹی گریڈرہنے کا امکا ن ہے ۔