children food problems For mothers بچوں کی خوراک مائوں کے لئے پریشانی

بچے پھول کی طرح معصوم ہوتے ہیں ،ان کی چھوٹی چھوٹی معصومانہ شرارتوں سے والدین کے دل خوشی سے بھر جاتے ہیں ،اکثر بچے بلا سبب کھانا نہیں کھاےا کرتے،خصوصا صبح کا ناشتہ کھلانا ماﺅں کے لئے عذاب جاں بن جاتا ہے،بچوں کے کھانا نہ کھانے کی عادت سے ان بچوں کی مائیں نہ صرف پریشان رہتی ہیں بلکہ ان کو کھانا کھلانے کے لئے نہ جانے کیا کیا جتن بھی کرتی رہتی ہیں،نوشین بھی ایک ایسی ہی ماں ہیں جو اپنی بچی کے کھانا نہ کھانے کی عادت سے پریشان ہیں

اگرچہ نوشین کی بچی کھانا کھانے کے حوالے سے پریشان کرتی ہیں لیکن نوشین نے اس کا ایک حل بھی نکال لیا ہے،اس بارے میں نوشین بتا تے ہوئے کہتی ہیں

شازیہ آصف ایک اسکول ٹیچر ہیں،یہ بھی اپنے بچوں کے کھانا نہ کھانے کی عادت سے پریشان ہیں،ان کا کہنا ہے کہ بچوں کو ان کی پسند کا کھانا بنا کر دینے پر بھی ان کے اندرکھانے کی کوئی رغبت پیدا نہیں ہوتی

شازیہ کا کہنا ہے کہ وہ اپنے بچوں کو کھانے کی طرف راغب کرنے کے لئے مختلف طریقے استعمال کرتی ہیں،وہ کیا طریقے ہیں ،آئیے جانتے ہیں شازیہ آصف سے

ڈاکٹر سلوت عسکری ایک ماہر ڈائٹیشن ہیں،ان کا کہنا ہے کہ بچوں کے کھانا نہ کھانے کی عادت میں سب سے بڑا ہاتھ خود والدین کا ہی ہوتا ہے،جو اپنے بچوں کو چپس اور اسنیکس کا عادی بنا دیتے ہیں اور اس طرح آہستہ آہستہ بچے کی گھر کے کھانے سے رغبت ختم ہوتی چلی جاتی ہے

ڈاکٹر سلوت کہتی ہیں کہ بچوں کو کسی نہ کسی صحت مندانہ سرگرمی میں مصروف رکھنا چاہئے ،اور دوسرے بچوں کے ساتھ بٹھا کر کھانا کھلانے سے بھی بچہ کھانے کی طرف راحب ہوجاتا ہے

بچے کی بھوک بڑھانے کے لئے ڈاکٹر سلوت عسکری ماﺅں کو ایک مفید ٹوٹکہ بتاتے ہوئے کہتی ہیں

عموما یہ دیکھا جاتا ہے کہ اکثر صبح اسکول کو دیر ہونے کی وجہ سے مائیں اپنے بچوں کو صرف دودھ دینے پر ہی اکتفا کرتی ہیں اور سمجھتی ہیں کہ ایک مکمل غذا فراہم کر دی ہے ،جبکہ حقیقت یہ ہے کہ صرف دودھ دینے سے صبح کے ناشتے کا مقصد پورا نہیں ہوتا اور بچہ سارا دن ادھر ادھر کی چیزیں کھا کر اپنی عام غذ ا کی ترتیب بھی بھول جاتا ہے،اور بالاخر پریشانی پھر ماﺅں کو ہی ہوتی ہے،اس لئے ماﺅں کے لئے یہ ایک مشورہ ہے کہ بچوں کو ہمیشہ گھر کا اور اپنے ہاتھ کا بنا ہوا کھانا ہی کھلائیں اور بازار کی چیزیں کبھی بھی نہ دلائیں،اس طرح نہ صرف بچہ بھی صحت مند اور پھرتیلا رہے گا بلکہ مائیں بھی بچے کے کھانا نہ کھانے کی عادت سے پریشان نہیں ہونگی۔