(Indonesia peace football) انڈونیشیاءامن فٹبال
کچھ لوگ فٹبال صرف جیتنے کیلئے کھیلتے ہیں، اور ان کی نظر میں یہ کھیل صرف زیادہ سے زیادہ گولز کرنے تک ہی محدود ہیں، مگر بہت سے لوگ اسے ایک ایسا کھیل سمجھتے ہیں جو لوگوں کو ایک دوسرے سے تعاون کرنا سیکھاتا ہے۔ انڈونیشیاءمیں اس کھیل کو مذہبی کشیدگی پر قابو پانے کا وسیلہ بنانے کی کوشش کی جارہی ہے
فٹبال انڈونیشیاءکے چند مقبول ترین کھیلوں میں سے ایک ہے۔ سولہ سالہ Ulin Nuha اپنے اسکول کے ساتھیوں کے ساتھ روزانہ فٹبال کھیلتا ہے۔
” (male) Ulin Nuha ہر بار جب بھی میں کھیلتا ہوں مجھے بہت خوشی محسوس ہوتی ہے۔ پڑھائی مجھے بہت تناﺅ زدہ بنادیتی ہے اور فٹبال کھیل کر میں خود کو ہلکا پھلکا محسوس کرنے لگتا ہوں”
انڈونیشیاءکے صوبے Banten کے Quthorul Falah Islamic School میں فٹبال کو صرف ایک کھیل نہیں سمجھا جاتا، بلکہ طالبعلم اسے کھیل کر ایک دوسرے کے ساتھ ملکر کام کرنا بھی سیکھتے ہیں۔ عبدالعزیز ایک کوچ ہیں۔
عبدالعزیز(male) “ہم جو کھیلتے ہیں اسے relay race کا نام دیا گیا ہے۔ہم ایک دوسرے کے ساتھ ملکر کام کرنا سیکھتے ہیں، اگر ہم ایک دوسرے سے تعاون نہ کریں تو میدان میں لڑائی شروع ہوجائے گی اور ہم اپنا کام پورا نہیں کرسکیں گے۔ فٹبال کے ذریعے ہم طالبعلموں کو لڑائی کے وقت بات چیت کرنا اور ایک دوسرے کے ساتھ ملکر کام کرنا سیکھاتے ہیں”۔
اس پروگرام کو فٹبال برائے امن کا نام دیا گیا ہے۔Aceh اور مغربی جاوا سمیت ملک بھر کے اسکولوں نے اس پروگرام کو اپنانا شروع کیا ہے تاکہ انتہاپسندانہ سوچ کی روک تھام کی جاسکے۔ فٹبال کو اس کا حصہ ٹیم گیم ہونے کی وجہ سے بنایا گیا ہے، اس کھیل میں ہر فرد کا کردار مختلف ہوتا ہے بالکل کسی معاشرے کی طرح۔ Maghfiroh Hijroatul اس پروگرام کی قیادت کررہی ہیں۔ وہ ایک بین الاقوامی این جی او Search for Common Ground سے تعلق رکھتی ہیں
(female) Maghfiroh Hijroatul “ہم مدارس میں پڑھنے والے طالبعلموں کو بتاتے ہیں کہ دنیا میں بہت سے مختلف مذاہب موجود ہیں، جبکہ اسلام کے اندر بھی کئی فرقے ہیں۔ ہم انہیں بتاتے ہیں کہ بہت سی چیزیں ایسی ہوتی ہیں جن سے وہ ابھی آگاہ نہیں، جن سے ہم انہیں آگاہ کرتے ہیں”۔
انڈونیشیاءمیں کبھی کبھار فرقہ وارانہ فسادات ہو جاتے ہیں گزشتہ برس بھی ایک ایسے ہی حملے میں تین افراد ہلاک ہوگئے تھے، جن کے قاتلوں کو محض تین سے چھ ماہ قید کی سزا ہی سنائی گئی۔
(female) Maghfiroh Hijroatul “اگر کوئی شخص کھلے ذہن کا حامل اور کشیدگی پر قابوپا نے کی صلاحیت رکھتاہوگا تو وہ تشدد کو روک سکے گا۔ امن ایک لمبا عمل ہوتا ہے، ہمیں اکھٹے بیٹھ کر ان چیزوں کو سمجھنا ہوگا جن سے ہم آگاہ نہیں”
انکا مزید کہنا ہے۔
(female) Maghfiroh Hijroatul “انڈونیشیاءمیں ہزاروں اسکول ہیں، کئی جگہوں پر لوگوں کو انتہاپسندانہ سوچ کی تعلیم دی جاتی ہے، ہم اس چیز کو پھیلنے نہیں دینا چاہتے۔ ہم چاہتے ہیں کہ معاشرے میں امن اور دوسرے کی بات برداشت کرنے کا حوصلہ پیدا ہو”۔
Achmad Syatibi Hambali، Ngruki school کے پرنسپل ہیں۔وہ اس پروگرام کی حمایت کرتے ہیں۔
(male) Achmad Syatibi Hambali “یہ امن کو فروغ دینے کیلئے ایک بہت اچھی کوشش ہے، آج کل لوگ چھوٹی چھوٹی باتوں پر مشتعل ہوکر تشدد پر اتر آتے ہیں۔ فٹبال کے ذریعے ہم انہیں ایک دوسرے کیساتھ تعاون کرنا سیکھا سکتے ہیں۔ یہ صرف مسلم برادری کیلئے نہیں بلکہ تمام مذاہب کیلئے ضروری ہے”۔
کوچ عبدالعزیز طالبعلموں کو فٹبال کے ذریعے ایک اور سبق سیکھا رہے ہیں۔
عبدالعزیز(male) “یہ ایک گیم ہے جس کا نام check in, check out ہے۔ اس کا بنیادی خیال یہ ہے کہ طالبعلم ایک دوسرے کے مختلف ثقافتی پس منظر کو قبول کریں۔ اس گیم میں ہربچہ اپنے قریب موجود بچے کو گیند دیتا ہے، یہ سوچے بغیر کہ اس بچے کا مذہب یا ثقافتی پس منظر کیا ہے۔ اور جب میں کہتا ہوں check out تب دوسرا بچہ گیند کو کسی اور کی طرف اچھال دیتا ہے”۔
Ulin Nuha کو اب احساس ہوا ہے کہ اس کھیل سے صرف اسکی جسمانی فٹنس ہی بہتر نہیں ہوئی بلکہ اس نے اخلاقیات کا احترام کرنا بھی سیکھا ہے۔
(male) Ulin Nuha “میں نے فٹبال کے ذریعے برداشت کرنا سیکھا ہے۔ اگر میرے اندر برداشت ہوگی تو ہی میں اچھا فرد بن کر دوسروں کے ساتھ تعاون کروں گا۔ میں یہاں سے حاصل ہونیوالی تعلیم کو میدان کے باہر کی زندگی کیلئے آزماﺅں گا”۔