ہیڈلائنز:۔

 

وزیراعظم کیخلاف توہین عدالت کیس کی سماعت ،اعتزاز احسن کے دلائل جاری
وزیراعظم نے کابینہ کی دفاعی کمیٹی کا اجلاس کل طلب کرلیا، نیٹو اور ایساف تعلقات پر غور کیا جائیگا
سیاچن میں امدادی کارروائی گیارہویں روز میں داخل، نواز شریف آج دورہ کرینگے
ینگ ڈاکٹرز کی ہڑتال چھٹے روز میں داخل، مریضوں کو شدید مشکلات کا سامنا
اور
کرم ایجنسی میں فورسز کی کارروائی، پانچ شدت پسندہلاک، دو ٹھکانے تباہ
Forex Rate

 

خبروں کی تفصیل:۔

 

وزیراعظم کیخلاف توہین عدالت کیس کی سماعت سپریم کورٹ میں جاری ہے جس میں اعتزاز احسن دلائل دے رہے ہیں۔ جسٹس ناصرالملک کی سربراہی میں 7 رکنی بنچ مقدمے کی سماعت کررہا ہے۔ وزیراعظم کے وکیل اعتزاز احسن کے پاس اپنے دلائل مکمل کرنے کے لئے دو دن باقی رہ گئے ہیں جس کے تحت دلائل کا سلسلہ جاری ہے۔ وزیر اعظم کے وکیل بیرسٹر اعتزاز احسن نے بنچ پر اعتراضات اٹھاتے ہوئے ججز کو خود ہی سماعت سے الگ ہونے کا مشورہ دیا۔جسٹس سرمدجلال نے کہاکہ ججز نہیں، عدالت شکایت کنندہ ہے جس کے فیصلے پر عمل درآمد نہیں ہوا۔

وزیراعظم یوسف رضا گیلانی نے کابینہ کی دفاعی کمیٹی کا اجلاس کل طلب کرلیاہے۔ اجلاس میں مسلح افواج کے سربراہان ، وزیرخارجہ و داخلہ، وزیردفاع، آئی ایس آئی کے سربراہ، قائمہ کمیٹی برائے دفاع کے ارکان اور دیگر حکام شریک ہوں گے ۔ اجلاس میں امریکا ،نیٹو اور ایساف فورسز سے تعلقات پر مبنی پارلیمنٹ کی منظورہ شدہ سفارشات پر غور کیا جائے گا۔جبکہ نیٹو سپلائی کی بحالی سے متعلق اہم معاملہ بھی ایجنڈے میں شامل ہے۔

سخت موسمی حالات کے باوجود سیاچن کے گیاری سیکٹر میں برفانی تودے تلے دبے فوجی جوانوں کو نکالنے کے لیے آج گیارہویں روز بھی ریسکیو آپریشن جاری ہے۔ دوسری جانب افواج پاکستان سے اظہار یکجہتی کے لیے نواز شریف آج متاثرہ علاقے کا دور ہ کریں گے۔آج سیاچن میں مطلع صاف ہے، امریکا کے 3 اور ناروے کے 7 ماہرین پر مشتمل ریسکیو ٹیم نے بھی جدید آلات کی مدد سے کام شروع کردیا ہے اوراس وقت تین ٹارگٹڈ مقامات پر کھدائی کاکام جاری ہے۔ وقفے وقفے سے گرنے والے چھوٹے برفانی تودوں کی وجہ سے بعض اوقات امدادی کاروائیوں میں رکاوٹ پیدا ہو جاتی ہے۔ مسلم لیگ نون کے صدر میاں نواز شریف آج گیاری سیکٹر کا دورہ کررہے ہیں جس کے بعد وہ برف میں دبے سکردو کے رہائشی حولدار محمد اسحاق کے گھر بھی جائیں گے۔

ینگ ڈاکٹرز کی اپنے تبادلوں کی منسوخی کے لیے لاہور میں ہڑتال چھٹے روز میں داخل ہوگئی جب کہ ہڑتال کا دائرہ پنجاب بھر میں پھیلا دیا گیا ہے جس کے باعث مریضوں کو شدید مشکلات کا سامنا ہے۔ محکمہ صحت پنجاب نے سروسز ہسپتال کے پینتالیس ڈاکٹروں کو دیگر ہسپتالوں میں تبادلے کے احکامات کیا جاری کیے۔ ڈاکٹروں کی نمائندہ تنظیم نے اس معاملے پر کسی بھی حکومتی نمائندے سے بات کرنے کی بجائے فوری طور پر ہڑتال کردی۔ ہڑتال کی وجہ سے شہر کے سرکاری ہسپتالوں میں آوٹ ڈور بند ہیں۔ ڈاکٹروں کی ہڑتال کے باعث مریضوں کو شدید مشکلات کا سامنا کرنا پڑ رہا ہے۔ پنجاب حکومت کا کہنا ہے کہ تقرریاں و تبادلے حکومت کا حق ہے اس مسئلے پر کسی بھی قسم کا مطالبہ غیر قانونی ہے۔

کرم ایجنسی میں سکیورٹی فورسز کی کارروائی میں پانچ شدت پسند ہلاک اور تین زخمی ہوگئے۔ کاررروائی میں شدت پسندوں کے دو ٹھکانے بھی تباہ کردئیے گئے۔ سرکاری اطلاعات کے مطابق سکیورٹی فورسز نے یہ کارروائیاں وسطی کرم میں کیں جس میں سکیورٹی فورسز کا ایک اہلکار بھی زخمی ہوگیا۔

او پن کرنسی ما ر کیٹ میں آ ج پا کستانی رو پے کے مقا بلے میں امریکی ڈا لر اور دیگر اہم کرنسیو ںکی قدر میںکمی سے دن کا آ غا ز ہوا ۔فا ریکس ما ر کیٹ ذرا ئع کے مطا بق دن کے آ غا ز پر امریکی ڈا لر کی قیمت خرید 90 رو پے 95 ،جبکہ قیمت فرو خت 91 رو پے 35 پیسے ریکا ڈ کی گئی ۔دیگر کرنسیو ں کے ریٹس کچھ اس طرح ہیں۔ بر طا نوی پا ﺅ نڈ قیمت خرید 143 رو پے 80پیسے ،قیمت فرو خت 145رو پے 20 پیسے ،یو رو قیمت خرید118 رو پے 30 پیسے ،قیمت فرو خت 119 رو پے 50 پیسے ،سعو دی ریا ل قیمت خرید 24 رو پے20 پیسے ,قیمت فرو خت ,24 رو پے40 پیسے جبکہ جا پا نی ین کی قیمت خرید ایک رو پیہ12 پیسے اور قیمت فرو خت ایک رو پیہ 13 پیسے ریکا ڈ کی گئی ۔