PPI News Bulletins 0800 پی پی آ ئی نیوز بلیٹن

[ 0 ] February 28, 2012

راولپنڈی سے گلگت جانے والی بس پر کوہستان کے قریب فائرنگ کے نتیجے میں 18 افراد جاں بحق اور متعدد زخمی ہوگئے ہیں۔ ذرائع کے مطابق کوہستان میں شٹیال کے مقام پربس پر فائرنگ کی گئی جس کے نتیجے میں ہلاکتیں ہوئی۔
ذرائع کے مطابق جہاں فائرنگ کی گئی وہ ویران علاقہ ہے اور موبائل بھی کام نہیں کرتے۔واقعہ صبح کی نماز کے بعد پیش آیا.پولیس کا کہنا ہے کہ بس میں 28 افراد سوار تھے۔

سپریم کورٹ میں وزیراعظم کے خلاف توہین عدالت کیس میں پرنسپل سیکریٹری نرگس سیٹھی کو طلب کر لیا ہے اور سماعت7مارچ تک ملتوی کر دی گئی ہے۔ سپریم کورٹ کے سات رکنی لارجر بینچ نے توہین عدالت کیس کی سماعت کی۔ اعتزاز احسن نے دلائل دیتے ہوئے کہا کہ عدالت کا بینادی اختیار ہے کہ وہ کسی بھی شخص یا دستاویزات طلب کر سکتی ہے۔ جسٹس ناصر الملک نے استفسار کیا کہ کیا آپ صرف سمریوں پر انحصار کریں گے۔ جس پر اعتزاز احسن نے کہا کہ اس کا انحصار استغاثہ کی جرح اور بحث پر ہوگا۔ جسٹس ناصر الملک نے ریمارکس میں کہا کہ دفاع کو گواہان طلب کرنے میں کیا دقت درپیش ہے، اس وقت عدالت کو علم نہیں کہ آپ کا دفاع کیا ہے۔ اعتزاز احسن نے کہا کہ وزیر اعظم نے اپنے آرڈر میں کہا تھا کہ صورت حال کورٹ کے علم میں لائی جائے، اگر وزیراعظم کی توہین عدالت کی نیت ہوتی تو وہ ایسا آرڈر جاری نہیں کرتے۔

پاکستان تحریک انصاف کے چیئرمین عمران خان نے کہا ہے کہ لوگ تبدیلی کا فیصلہ کرچکے ہیں۔ لاہور میں میڈیا سے بات چیت کرتے ہوئے عمران خان نے کہا کہ بے نظیر بھٹو کو طالبان اور القاعدہ سے خطرہ تھا، مجھے ان سے کوئی خطرہ نہیں۔انھوں نے کہا کہ مجھ سے خائف سیاستدان ہوں گے جو سونامی سے پریشان ہیں۔اس موقع پر انھوں نے پاکستان کیلئے آسکر ایوارڈ جیتنے والی شرمین عبید چنائے کو بھی سراہا۔

بھارت میں کام کرنے کے بہتر ماحول کے مطالبے، سرکاری املاک کی فروخت اور مہنگائی کے خلاف آج ملک بھر میں ہڑتال کی جارہی ہے جس میں کروڑوں افراد شریک ہیں۔ ہڑتال کی کال کی حمایت بھارت کی بڑی ٹریڈ یونینوں اور ہزاروں چھوٹی یونینوں نے بھی کی ہے۔ ہڑتال کے باعث بینک، ٹرانسپورٹ اور پوسٹ آفس شدید متاثر ہوئے ہیں۔واضح رہے کہ بھارت میں مہنگائی کی شرح دسمبر میں نو اعشاریہ ایک فیصد سے گر گئی ہے تاہم یہ اب بھی ساڑھے سات فیصد پر قائم ہے۔
ایشیائی منڈی میں خام تیل کی قیمتوں میں کاروباری ہفتے کے دوسرے روز کمی کا رجحان دیکھنے میں آیا۔سنگاپور کی نیویارک مرکنٹائل ایکسچینج میں امریکی خام تیل کے اپریل کے سودے 58سینٹس کمی سے 107ڈالر98سینٹس فی بیرل پر ہوئے۔برینٹ نارتھ سی خام تیل کے سودے69سینٹس کمی سے123ڈالر48 سینٹس فی بیرل پر ہوئے۔

بنگلا دیش میں ایشیا کپ کے آغاز سے قبل پی سی بی نے لاہور میں کنڈیشننگ کیمپ کے انعقاد کا فیصلہ کیا ہے تاکہ قومی کرکٹ ٹیم کے نئے کوچ ڈیو واٹمور کھلاڑیوں کی استعداد کا جائزہ لے سکیں۔اطلاعات کے مطابق کھلاڑیوں نے پاکستان کرکٹ بورڈ سے مطالبہ کیا ہے کہ وہ انگلینڈ کے خلاف ایک طویل سریز کے بعد آرام چاہتے ہیں۔ کھلاڑیوں نے مجوزہ کیمپ میں فاسٹ باو¿لروں کو ٹپس دینے کی ذمہ داری سابق فاسٹ باو¿لر سرفراز نواز کو سونپے جانے پربھی اعتراض کیا ہے۔

Category: News Bulletins | نیوز بلیٹن

Leave a Reply

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher