ہیڈلائنز:۔
الیکشن کمیشن نے بلدیاتی انتخابات مارچ میں کرانے کی سندھ حکومت کی درخواست مسترد کردی۔
چیف جسٹس افتخار محمد چوہدری اپنے عہدے سے سبکدوش۔
این آئی سی ایل کیس، نیب کا یوسف رضا گیلانی کیخلاف کارروائی کا فیصلہ۔
اسلام آباد واقعہ کے مرکزی ملزم سکندر پر فرد جرم عائد۔
بجلی کی طلب میں کمی کے باوجود لوڈشیڈنگ جاری۔
اور
سری لنکا کیخلاف ون ڈے سیریز، قومی ٹیم کا اعلان کل متوقع۔
خبروں کی تفصیل:۔
الیکشن کمیشن نے سندھ حکومت کی بلدیاتی انتخابات جنوری کے بجائے مارچ میں کرانے کی درخواست مسترد کردی۔تفصیلات کے مطابق الیکشن کمیشن نے سندھ حکومت کی درخواست مسترد کرتے ہوئے 18 جنوری کو ہی بلدیاتی انتخابات کرانے کی ہدایت کی ہے،جبکہ ایڈووکیٹ جنرل اورچیف سیکریٹری سندھ نے الیکشن کمیشن سے جواب داخل کرانے کے لئے کل تک کی مہلت طلب کی جس پرالیکشن کمیشن نے ایک دن کی مہلت دیتے ہوئے ہدایت کی کھ سندھ حکومت بلدیاتی انتخابات کے حوالے سے تمام معاملات کل تک مکمل کرلے۔واضح رہے کھ سندہ حکومت نے الیکشن کمیشن سے درخواست کی تھی کھ بلدیاتی انتخابات جنوری کے بجائے مارچ میں کرانے کی اجازت دی جائے۔
افتخار محمد چوہدری آج سپریم کورٹ کے چیف جسٹس کے عہدے سے سبکدوش ہوگئے۔ تاہم چار سال قبل ملک گیر تحریک سے بحال ہونے والے جج کے دور سے متعلق وکلاءکی آراءمنقسم ہے۔کچھ کا کہنا ہے کہ ان کا دور ملک میں آئین و قانون کی بالادستی، جمہوریت کے استحکام اور انسانی حقوق کے تحفظ کو یقینی بنانے کے لیے اہم تھا تو بعض کے مطابق ان کی نظر صرف ”پالولر“ مقدمات پر ہی رہی اور کئی مواقع پر عدالت نے اپنے ”دائرہ اختیار سے تجاوز“ کیا جس سے ان کے بقول عدلیہ اور مقننہ میں غیر ضروری تناو¿ پیدا ہوا۔دوسری جانب17 ججوں کی جانب سے سبکدوش ہونے والے چیف جسٹس کے اعزاز میں ایک خصوصی سماعت کے دوران نئے چیف جسٹس تصدق حیسن جیلانی نے اپنے خطاب میں کہا کہ جسٹس چوہدری نے آئین سے انحراف کے دور کا خاتمہ اور عوامی سطح پر بنیادی حقوق اور جمہوریت کی قدر کو بڑھایا ہے۔انہوں نے کہا کہ ان کے پیش رو کا نومبر 2007ئ کا فیصلہ تاریخی تھا جس میں اس وقت کے فوجی صدر پرویز مشرف کی طرف سے ایمرجنسی کے نفاذ کو غیر آئینی قرار دے دیا تھا۔جسٹس تصدق کا کہنا تھا کہ اچھی طرز حکمرانی کے لیے قانون کی بالادستی ناگزیر ہے اور اس سلسلے میں تمام اداروں بشمول عدلیہ کو اپنے آئینی دائرے میں رہتے ہوئے کردار ادا کرنا ہوگا۔
این آئی سی ایل کیس میں نیب نے سابق وزیراعظم گیلانی کے خلاف کارروائی کا فیصلہ کیا ہے۔ذرائع کے مطابق اس سلسلے میں یوسف رضاگیلانی کو پولیس کے ذریعے طلب کرنے کی تجویز پر غور کیا جارہا ہے۔واضح رہے کہ این آئی سی ایل کیس میں تفتیش کیلئے نیب نے آج سابق وزیراعظم کو طلب کیا تھا، تاہم انھوں نے تفتیش کیلئے نیب کے سامنے پیش ہونے سے انکار کردیا۔
انسداد دہشتگردی کی خصوصی عدالت نے اسلام آباد کے جناح ایونیو فائرنگ واقعے کے مرکزی ملزم سکندر پر فرد جرم عائد کردی ہے۔انسداد دہشتگردی کی خصوصی عدالت کے جج عتیق الرحمٰن نے اڈیالہ جیل میں جناح ایونیو فائرنگ کیس کی سماعت کی۔ عدالت نے واقعے کے مرکزی ملزم سکندر پر فرد جرم عائد کردی۔ ملزم سکندرنے فرد جرم کے کاغذ کا مطالعہ کرنے بعد دستخط کرنے سے انکار کر دیا۔ پیپر پڑھنے کے بعد ملزم سکندر نے موقف اختیار کیا کہ یہ جرم میں نے نہیں کیا جو کاغذ پر لکھا گیا ہے،وکیل سے مشورہ کرنے کے بعد دستخط کروں گا۔عدالت نے آئندہ سماعت پر ملزم سکندر اس کی بیوی کنول اور اسلحہ دینے والے اختر حمید کو وکیل پیش کرنے کی ہدایت کرتے ہوئے کیس کی سماعت اٹھارہ دسمبر تک ملتوی کردی۔
بجلی کی طلب میں کمی کے باوجود ملک میں اعلانیہ اور غیر اعلانیہ لوڈ شیڈنگ کا سلسلہ جاری ہے، ملک میں موسم سرد ہوجانے کے باعث ڈیمانڈ میں کمی کی وجہ سے شارٹ فال کم ہو کر نو سومیگاواٹ ہوگیا ہے۔شارٹ فال کم ہو جانے کے باوجود دیہی اور شہری علاقوں میں لوڈ شیڈنگ کے دورانیہ میں خاطر خواہ کمی نہیں آئی ہے پنجاب کے دیہی علاقوں میںچار سے پانچ گھٹنے تک کی لوڈ شیڈنگ کی گئی، بڑے شہروں میں لوڈ شیڈنگ نہیں ہو رہی مگرراولپنڈی میں بارش کے بعد شہر اور گرد و نواح میں غیر اعلانیہ لوڈ شیڈنگ شروع ہوگئی ہے۔
پاکستان کرکٹ بورڈ سلیکشن کمیٹی کی جانب سے سری لنکا کے خلاف سیریز کیلئے قومی ون ڈے ٹیم کا اعلان کل متوقع ہے۔ متحدہ عرب امارات میں پاکستان اور سری لنکا کے درمیان شیڈول ون ڈے سیریز اٹھارہ دسمبر سے شیڈول ہے۔ ون ڈے اسکواڈ کے لیے سلیکشن کمیٹی کل قومی ون ڈے ٹیم کا اعلان کرے گی۔ ذرائع کا کہنا ہے کہ ٹیم کی سلیکشن مصباح الحق ، کوچ اور منیجر سے مشورے کے بعد کی گئی ہے۔ مڈل آرڈر بیٹسمین عمر امین کی ون ڈے میں شرکت مشکوک ہے۔ باقی ٹی ٹوئنٹی اسکواڈ کے موجودہ کھلاڑیوں کو ون ڈے میں برقرار رکھا جائے گا۔ ون اسکواڈ میں فاسٹ بولر عمر گل کی شمولیت کا بھی امکان ہے جن کا کامیاب فٹنس ٹیسٹ میڈیکل بورڈ کے پاس ہے۔