ہیڈلائنز:۔

 

وزیراعظم توہین عدالت کیس ، اعتزاز احسن کو کل تک دلائل مکمل کرنےکی ہدایت
حساس اداروںنے فیصل آباد جیل کی سکیورٹی غیرتسلی بخش قراردیدی
ینگ ڈاکٹرز اور حکومت کا تنازعہ، پنجاب بھر میں مریض پریشانی کا شکار
اسامہ کے اہل خانہ کو آج ملک بدر کردیا جائیگا
اور
آسٹریلیا کا وقت سے قبل افغانستان سے اپنی فوج کی واپسی کا اعلان
Weather

خبروں کی تفصیل:۔

 

سپریم کورٹ نے وزیر اعظم توہین عدالت کیس میں اعتزاز احسن کو کل تک دلائل مکمل کرنے کی ہدایت کی ہے جبکہ اعتزاز احسن نے کہا ہے کہ میرے دلائل زیادہ ہیں کل تک مکمل نہیں کر سکتا۔ وزیر اعظم کے خلاف توہین عدالت کیس کی سماعت جسٹس ناصر الملک کی سربراہی میں سات رکنی بینچ نے کی۔ عدالت نے اعتزاز احسن کو کل تک دلائل مکمل کرنے کی ہدایت کی جس پر اعتزاز نے کہا کہ میرے دلائل زیادہ ہیں کل تک سمیٹ نہیں سکتا، مجھے قانون کے تحت عدالت کی معاونت کرنی ہے۔ جسٹس ناصر الملک نے کہا کہ کم از کم آج آرٹیکل دس اے پر ہی دلائل مکمل کر لیں۔ اعتزاز احسن نے کیس کی سماعت کرنے والے ججوں کی اہلیت کے بارے میں دلائل جاری رکھتے ہوئے کہا کہ توہین عدالت کا نوٹس جاری کرنے والاجج ملزم کا ٹرائل نہیں کر سکتا ۔ جسٹس گلزار احمد نے کہا کہ یہ کیسے ممکن ہے کہ ہمارے سامنے کوئی عدالت کی توہین کرے اورہم کارروائی نہ کریں۔

حساس اداروں نے فیصل آباد سینٹرل جیل کی سکیورٹی کوغیرتسلی بخش قرار دے دیا ہے اس جیل میں پرویز مشرف، شوکت عزیز اور جی ایچ کیو پر حملے کے ملزمان قید ہیں ۔ذرائع کے مطابق حساس اداروں نے فیصل آباد سینٹرل جیل سے متعلق اپنی رپورٹ اعلیٰ حکام کو بھجوادی ہے ۔ رپورٹ میں بیرونی سیکیورٹی پر اپنے تحفظات کا اظہار کرتے کہا گیا ہے کہ بیرونی سکیورٹی پر صرف 19اہلکار تعینات ہیں جو ناکافی ہیں۔ رپورٹ میں عملے کی جانب سے اپنے ذاتی کاموں کے لیے قیدیوں کو جیل سے باہر لے جانے کا بھی انکشاف ہوا ہے ۔

پنجاب بھر میں ینگ ڈاکٹرز کی ہڑتال کے باعث مریضوں کو سخت مشکلات کا سامنا ہے جبکہ حکومت اور ینگ ڈاکٹرز کی جانب سے اپنے اپنے موقف پر قائم رہنے کے باعث مریضوں کو شدید مشکلات کا سامنا ہے۔ ینگ ڈاکٹرز کی اپنے تبادلوں کی منسوخی کے لیے لاہور میں ہڑتال چھٹے روز میں داخل ہوگئی جب کہ ہڑتال کا دائرہ پنجاب بھر میں پھیلا دیا گیا ہے ۔ محکمہ صحت پنجاب نے سروسز ہسپتال کے پینتالیس ڈاکٹروں کو دیگر ہسپتالوں میں تبادلے کے احکامات کیا جاری کیے۔ ڈاکٹروں کی نمائندہ تنظیم نے اس معاملے پر کسی بھی حکومتی نمائندے سے بات کرنے کی بجائے فوری طور پر ہڑتال کردی جس کے وجہ سے سرکاری ہسپتالوں میں آوٹ ڈور بند ہیں۔ دوسری جانب پنجاب حکومت کا کہنا ہے کہ تقرریاں و تبادلے حکومت کا حق ہے اس مسئلے پر کسی بھی قسم کا مطالبہ غیر قانونی ہے۔

اسامہ کے اہل خانہ کی سزا آج مکمل ہورہی ہے جس کے بعد آج ہی ان کی ملک بدری کا امکان ہے ۔اسامہ کے بچوں اور بیواﺅں کے سعودی عرب اور یمن روانگی کے انتظامات مکمل کرلیے گئے اورآج رات بارہ بجے کے بعد کسی بھی وقت انہیں پاکستان سے روانہ کر دیا جائے گا۔ اسامہ بن لادن کے اہل خانہ کو اسلام آباد میں سینئر سول جج کی عدالت نے ملک میں غیرقانونی داخلے اور قیام پر پینتالیس دِن قید کی سزا سنا ئی تھی۔ سزا کو باضابطہ گرفتاری کے دن سے شمار کیا گیا تھا جس کے باعث پندرہ دن کی قید باقی رہ گئی تھی جو آج ختم ہو رہی ہے۔

آسٹریلیا نے افغانستان سے اپنی فوج کی ایک سال قبل ہی واپسی کا اعلان کردیا ہے ۔ اتحادی افواج نے افغانستان سے 2014ءمیں نیٹو اور ایساف افواج کی واپسی کا اعلان کیا تھا تاہم آسٹریلیا نے ایک سال قبل ہی سال 2013ءمیں اپنی فوج افغانستان سے واپس بلانے کا اعلان کردیا ہے۔ آسٹریلوی وزیراعظم جولیا گیلارڈ نے کہا ہے کہ القاعدہ کی قیادت اب بھی پاک افغان سرحد پر روپوش ہے ،ہم چاہتے ہیں افغانستان دوبارہ دہشت گردوں کی جنت نہ بنے اور افغان فورسز سکیورٹی کی ذمہ داریاں سنبھالنے کے لیے تیار رہیں۔ پاکستان سے متعلق انہوں نے کہا کہ پاکستان نے دہشت گردی کے خلاف جنگ میں بہت قربانیاں دیںاور پاکستان کو اب بھی ملک میں انتہاپسندگروپوں کا سامنا ہے ۔

۔محکمہ مو سمیات کے مطا بق آئندہ چو بیس گھنٹوں کے دوران ملک کے اکثر علا قو ں میں موسم خشک رہے گا، تاہم کشمیر ، گلگت بلتستان اور شمال مشرقی پنجاب میں تیز ہو ا و¿ں کے سا تھ بارش کی پیشگو ئی کی گئی ہے۔لاہو ر اورفیصل آباد سمیت ملک کے مختلف شہرو ں میں بارش ہو ئی جس سے مو سم خو شگوار ہو گیا۔گزشتہ رات لاہور میں آندھی کے بعد بارش کا سلسلہ شرو ع ہو گیا جس سے درجہ حرارت کم ہو گیا ۔اسی طرح بہا و لپور،پیر محل،دادواورنو اب شا ہ کے نواحی علاقوں میں تیز ہواو¿ں کے ساتھ بارش کے بعدموسم خوشگوار ہو گیا۔