PPI NEWS Bulletin 2000 پی پی آئی نیو ز بلیٹن

ہیڈ لا ئنز:۔

کراچی میںنا معلوم افراد کی فائرنگ سے اے این پی کا عہدیدار جاں بحق،لسبیلہ میں 3گا ڑیاں اور3مو ٹر سائیکلیں نذرآ تش

ایم کیو ایم کا پارلیمنٹ کے مشترکہ اجلاس کا بائیکاٹ ختم کرنےکا فیصلہ

پیٹرولیم مصنوعات کی قیمتوں میں 9روپے تک اضافے کا امکان

پنجاب کے بجلی گھروں میں صرف دو دنوں کا تیل رہ گیا، لوڈ شیڈنگ میں مزید اضافے کا خدشہ

اور
بجلی بحران پر وزیراعلیٰ پنجاب کا بیان حقیقت کے منافی ہے، ایم ڈی پیپکو

WEATHER

خبروں کی تفصیل :۔

کر اچی کے علا قے میٹرک بورڈ آفس کے قریب نا معلوم افراد کی فائرنگ سے اے این پی کا عہدیدار جاں بحق ہوگیا۔ ترجمان اے این پی کے مطابق کراچی کے علاقے میٹرک بورڈ آفس کے قریب نامعلوم افراد کی جانب سے گاڑی پر فائرنگ کی گئی، جس کے نتیجے میں عوامی نیشنل پارٹی کا عہدیدار زین العابدین جاں بحق ہوگیا۔ ترجمان کے مطابق فائرنگ میں اے این پی کے دو کا رکن زخمی بھی ہوئے ہیں۔اے این پی کے عہدیدار کی ہلاکت کے بعد کراچی کے مختلف علاقوں میں فائرنگ کا سلسلہ شروع ہوگیا جبکہ مختلف علاقوں میں مشتعل افراد نے دکانیں اور کاروباری مراکز بھی بند کرادیئے ہیں. لسبیلہ میں مشتعل افراد نے 3 گاڑیوں اور 3 موٹر سائیکلوں کو بھی آگ لگادی ہے جس کے بعد علاقے میں کشیدگی پیدا ہوگئی اور دکانیں اور کاروبار بند ہوگیا. ابو الحسن اصفہانی روڈ ، سہراب گوٹھ، اورصدر سمیت دوسرے علا قوں میں بھی نامعلوم افراد کی جانب سے فائرنگ کی گئی ہے جس سے ان علاقوں میں خوف و ہراس پھیل گیا اور دکانیں بندہونا شروع ہوگئی ہیں۔

ایم کیو ایم نے پارلیمنٹ کے مشترکہ اجلاس کا بائیکاٹ ختم کردیا۔ذرائع کے مطابق وفا قی وزیر داخلہ رحمان ملک کی یقین دہانی کے بعد ایم کیو ایم پارلیمنٹ کے مشترکہ اجلاس میں شرکت کریگی۔ ایم کیو ایم کے رہنما ﺅں کا کہنا ہے کہ تحفظات دور نہ کیے گئے تو فیصلے پر نظر ثانی کرسکتے ہیں۔دوسری جانب ایم کیو ایم کے قائد الطاف حسین نے کہا ہے کہ سندھ میں ایک منظم سازش کے تحت نفرت کی آگ بھڑکائی جا رہی ہے اور دریائے سندھ کو خون میں نہلانے کی باتیں کی جا رہی ہیں۔خصوصی وڈیو پغام میں الطاف حسین کا کہنا تھا کہ ان کی جماعت نے اپنے جلسوں میں بار بار اس بات کو دہرایا ہے کہ ایم کیو ایم سندھ کی تقسیم نہیں چاہتی لیکن نام نہاد قوم پرست اور سیاسی جماعتوں کے سندھ سے تعلق رکھنے والے بعض رہنما لوگوں کو گمراہ کر رہے ہیں۔

آئل اینڈ گیس ریگولیٹری اتھارٹی نے پیٹرولیم مصنوعات کی قیمتوں میں اضافے کی سمری مکمل کرلی ہے اور سمری کل وزارت پیٹرولیم کو ارسال کی جائیگی۔ سمری میںپیٹرولیم مصنوعات کی قیمتوں میں 9روپے تک اضافے کی سفارش کی گئی ہے۔ذرائع کے مطا بق سمری کی منظوری کی صورت میں یکم اپریل سے پیٹرول8روپے فی لیٹر ،ڈیزل پانچ روپے ہائی اوکٹین 9روپے ،مٹی کا تیل پانچ روپے پچاس پیسے اور لائٹ ڈیزل پانچ روپے فی لیٹر مہنگا ہونے کا امکان ہے۔

پنجاب کے بجلی گھروں میں بجلی بنانے کے لیے تیل کے ذخائر تشویشناک حد تک کم ہوگئے ہیں اور صرف دو دنوں کا ذخیرہ رہ گیا ہے جس کے بعد لوڈ شیڈنگ میں اضافے کا خدشہ پیدا ہوگیا ہے۔ ذرائع کے مطابق پی ایس او نے بجلی بنانے کے ایندھن فرنس آئل کی درآمد آدھی کردی اور گزشتہ تین ماہ کے دوران 25کے بجائے فرنس آئل کے صرف 13جہاز درآمد کیے گئے ہیں۔ تیل کی اس کمی کے بعد پنجاب کے بجلی گھروں میں صرف دو دنوں کا فرنس آئل رہ گیا ہے،جس کے بعد لوڈ شیڈنگ دورانیے میں مز ید اضافے کا خدشہ پیدا ہوگیا ہے۔

پیپکو کے مینجنگ ڈائریکٹر رسول خان محسود نے کہا ہے کہ پنجاب میں بجلی کی کھپت کے حساب سے لوڈ شیڈنگ کی جا رہی ہے، زیادہ لوڈ شیڈنگ کے حوالے سے وزیر اعلیٰ پنجاب شہباز شریف کا بیان حقیقت کے منافی ہے۔ایک انٹر ویو میں ایم ڈی پیپکو نے کہا کہ بجلی کی کل کھپت کا اڑسٹھ فیصد پنجاب استعمال کرتا ہے۔ خیبر پختونخوا، پندرہ اعشاریہ پانچ فیصد، سندھ دس اعشاریہ تین فیصد اور بلوچستان میں چھ اعشاریہ دو فیصد بجلی استعمال ہوتی ہے۔ لوڈ شیڈنگ کا بوجھ بھی اسی حساب سے ہوتا ہے۔ وزیر اعلیٰ پنجاب کو شاید اس کا علم نہیں۔ رسول خان محسود نے کہا کہ نجی شعبے کے آٹھ سو میگاواٹ صلاحیت کے چار بند بجلی گھر دوبارہ چالو کرد ئیے گئے ہیں۔ صنعتی شعبے اور زرعی ٹیوب ویلوں کو لوڈ شیڈنگ سے چھوٹ دیدی گئی ہے، جبکہ دو روز بعد شہری علاقوں میں چار اور دیہی علاقوں میں چھ گھنٹے سے زیادہ لوڈ شیڈنگ نہیں ہوگی۔

محکمہ موسمیات کے مطابق آ ئندہ24گھنٹوں کے دوران ملک کے بیشتر علاقوں میں مو سم خشک رہے گا،تاہم آ ج رات قلا ت اورکشمیر مےں بعض مقاما ت پر تیز ہوائیں چلنے اور گر ج چمک کے ساتھ با رش کا امکا ن ہے ۔آج ملک کے چند شہروں مےں زےادہ سے زےادہ اور کم سے کم درجہ حرارت کچھ اسطرح رہا۔ اسلام آباد26اور 12 ،لاہور35اور20، کراچی37اور24، پشاور26اور12، کوئٹہ23 اور09، مظفرآباد24اور12، لاڑکانہ35اور20، حیدرآباد39اور20، سکھر34 اور20،ساہیوال30اور18، سرگودھا32اور18 ، بہاولنگر32اور18، فیصل آباد 30 اور20جبکہ ڈیرہ اسمعیل خان میںزیادہ سے زیادہ30اورکم سے کم15ڈگری سینٹی گریڈریکا ڈ کیا گیا۔