Founder of Pakistan,Quaid-e-Azam Muhammad Ali Jinah’s-Birth-Anniversary – بانی پاکستان قائداعظم محمد علی جناح کا آج یو م پیدائش

بانی پاکستان ،قائداعظم محمد علی جناح کا آج یو م پیدائش عقیدت سے منایا جا رہا ہے

قائداعظم محمد علی جناح دسمبر 1876ءکو جناح پونچا نامی شخص کے ہاں ایک بچہ پیدا ہوا جس نے مستقل مزاجی اور مسلسل جدوجہد کے ذریعے دنیا میں ایک نئی اسلامی سلطنت قائم کر دی۔ یہ بچہ قائد اعظم محمد علی جناح تھے۔آپ نے سولہ 16 سال کی عمر میں میٹرک کا امتحان پاس کیا۔اسی سال یعنی 1892ءمیں آپ لندن چلے گئے، جہاں آپ نے قانون کی تعلیم حاصل کرنے کےلئے لنکن ان میں داخلہ لے لیا اور 1895ءمیں وہاں سے قانون کی ڈگری حاصل کی اور 19 سال کی عمر میں برطانیہ سے قانون کی ڈگری حاصل کرنے والے کم سن ترین ہندوستانی کا اعزاز حاصل کیا۔اس کے ساتھ سیاست میں بھی آپ کی دلچسپی بڑھنے لگی اوردیگر ہندوستانی طلبہ کے ساتھ مل کر برطانوی پارلیمنٹ کے انتخابات میں سرگرمی کا مظاہرہ کیا۔

آغاز میں آپ انڈین نیشنل کانگرس میں شامل ہوئے اور مسلم ہندو اتحاد کے حامی تھے۔ آپ ہی کی کوششوں سے 1916ءمیں آل انڈیا مسلم لیگ اور انڈین نیشنل کانگرس میں معاہدہ ہوا۔ کانگرس سے اختلافات کی وجہ سے آپ نے کانگرس پارٹی چھوڑ دی اور مسلم لیگ کی قیادت میں شامل ہو گئے۔ آپ نے خودمختار ہندوستان میں مسلمانوں کے سیاسی حقوق کے تحفظ کی خاطر مشہور چودہ نکات پیش کئے۔ 1930ءمیں مسلم لیڈروں کے درمیان اختلافات کی وجہ سے آپ انڈیا چھوڑ کر برطانیہ چلے کئے۔علامہ اقبال کی کوششوں کی وجہ سے آپ واپس آئے اور مسلم لیگ کی قیادت سنبھالی۔

تیئس مارچ 1940ءکی قراردادِ پاکستان کی روشنی میںآپ مسلمانوں کےلئے ایک علیحدہ ریاست بنانے کے لئے مصروفِ عمل ہوگئے۔1946ءکے انتخابات میں مسلم لیگ نے مسلمانوں کی بیشتر نشستوں میں کامیابی حاصل کی اور قائداعظم نے پاکستان کے قیام کے لئے براہ راست جدوجہد کی مہم کا آغاز کردیا۔مسلم لیگ اور کانگریس کے اتحاد کی تمام تر کوششوں کی ناکامی کے بعد آخر کار برطانیہ کو پاکستان اور بھارت کی آزادی کے مطالبے کو تسلیم کرنا پڑا۔قیام پاکستان کے بعد آپ نے 15اگست کو آپ نے قوم سے پہلا خطاب کیا۔

آپ نے بحیثیت گورنرجنرل پاکستان لاکھوں پناہ گزینوں کی آبادکاری، ملک کی داخلی و خارجی پالیسی، تحفظ اور معاشی ترقی کے لئے جدوجہد کی۔تیس اکتوبر1947کوگورنر جنرل کی حیثیت سے لاہور میں خطاب کرتے ہوئے آپ نے کہا کہ مسلمان مصیبت کے وقت میں گھبرایا نہیں کرتا۔

چودہ اگست 1948کو پاکستان کے پہلے یوم آزادی کے موقع پر قائداعظم نے قوم کو اپناآخری پیغام دیااوربیماری کے باعث کچھ عرصہ زیارت میں مقیم رہے،گیارہ ستمبر کو زیارت سے کراچی واپس تشریف لانے کے بعد آپ کا انتقال ہوا۔