PPI NEWS Bulletin2100پی پی آئی نیوز بلیٹن

December 10, 2013

ہیڈلائنز:۔

عدالت عظمیٰ کے ججز نے چیف جسٹس کو سپریم کورٹ کا ٹنڈولکر قرار دیدیا۔
35 لاپتہ افراد فوج یا ایجنسیوں کی تحویل میں نہیں، وزارت دفاع۔
چیف سیکرٹری سندھ انتخابی شیڈول سمیت الیکشن کمیشن میں طلب۔
امریکی وزیر دفاع کی وزیراعظم کے ساتھ ملاقات انتہائی دوستانہ ماحول میں ہوئی، دفتر خارجہ۔
ملک کے مختلف حصوں میں پیٹرولیم مصنوعات کی قلت، چیئرمین اوگرا کا نوٹس۔
اور
پاکستان اور سری لنکاکے درمیان پہلا ٹی 20 میچ کل کھیلا جائے گا۔

خبروں کی تفصیل:۔

سپریم کورٹ کے ججز نے چیف جسٹس آف پاکستان جسٹس افتخار محمد چوہدری کو عدالت عظمیٰ کا ٹنڈولکر قرار دیا ہے۔سپریم کورٹ کی عمارت میں چیف جسٹس افتخار محمد چوہدری کی سربراہی میں منعقدہ آخری فل کورٹ اجلاس ہوا، اجلاس کے دوران چیف جسٹس نے کہا کہ عدلیہ کو بلیک میل کرنے کے دن چلے گئے، اب کوئی عدلیہ کو میلی آنکھ سے دیکھنے کی جرات نہیں کرسکتا۔ انھوں نے کہا کہ عدلیہ ریاست کا بڑا ستون ہے۔ آج ان کی صدارت میں فل کورٹ کا آخری اجلاس ہے کل سے وہ ریٹائر ہوجائیں گے ، انہیں یقین ہے کہ آنے والی عدلیہ بھی بہتر انداز میں کام کرے گی،اجلاس کے دوران عدالت عظمیٰ کے ججز نے چیف جسٹس کی خدمات کو سراہا۔اس موقع پر سپریم کورٹ کے سینئیر جج اور نامزد چیف جسٹس آف پاکستان جسٹس تصدق حسین جیلانی نے کہا کہ افتخار محمد چودھری مضبوط اعصاب کے مالک ہیں انہوں نے مشکل وقت میں اپنے آپ پر قابو رکھا، جسٹس آصف سعید کھوسہ نے کہا کہ افتخارچودھری کی ٹیم کا حصہ ہوناان کے لئے باعث فخرہے اور اپنے پوتوں کو بھی بتائیں گے کہ انہوں نے چیف جسٹس کے ساتھ کام کیا ہے۔جسٹس ثاقب نثار نے کہا کہ افتخار محمد چودھری کرکٹ اور ہاکی ٹیموں کے کپتان کی طرح ہیں، وہ سپریم کورٹ کے سچن ٹنڈولکر ہیں جنہوں نے بہترین انداز میں اپنی اننگز کھیلی، جسٹس اعجازافضل کا کہنا تھا کہ چیف جسٹس نے جس عدلیہ کی بنیاد رکھی ہے وہ کسی کے ڈھول پر نہیں ناچے گی، جسٹس امیرہانی مسلم نے کہا کہ ان جیسی قیادت صدیوں میں پیداہوتی ہے اور افسوس ہے کہ کل چیف جسٹس کی قیادت سے محروم ہوجائیں گے۔

وزارت دفاع نے کہا ہے کہ 35 لاپتہ افراد فوج یا ایجنسیوں کی تحویل میں نہیں۔ وزارت دفاع کی جانب سے جاری بیان میں کہا گیا ہے کہ 35 لاپتہ افراد میں ہمارا موقف یہ ہے کہ یہ افراد فوج یا ایجسیوں کے پاس نہیں۔ وزارت دفاع نے کہا ہے کہ لاپتہ افراد کیس پر عدالتی فیصلے کا انتظار کررہے ہیں، جس کا جائزہ لینے کے بعد ممکن ہے کہ نظرثانی اپیل دائر کی جائے۔بیان میں مزید کہا گیا ہے کہ حقیقت جاننے کیلئے فیکٹ فائنڈنگ کمیشن کیلئے دربارہ درخواست کرسکتے ہیں، نظرثانی کی درخواست دینا قانونی حق ہے۔

الیکشن کمیشن نے چیف سیکریٹری سندھ کو اسلام آباد طلب کرلیا ہے۔ شیڈول ساتھ لانے کی ہدایت بھی کر دی ہے۔ذرائع کے مطابق سیکریٹری الیکشن کمیشن اشتیاق احمد خان نے چیف سیکریٹری سندھ کو طلب کرتےہوئے کہا ہے کہ سندھ میں بلدیاتی انتخابات کا مجوزہ شیڈول بھی ساتھ لائیں۔چیف سیکریٹری سندھ کل الیکشن کمیشن آئیں گے۔واضح رہے کہ سندھ کے بلدیاتی انتخابات کا شیڈول تین بار موخر ہوچکا ہے۔الیکشن کمیشن سندھ میں بلدیاتی الیکشن کا شیڈول تیرہ دسمبر کو جاری کرے گا۔سپریم کورٹ نے سندھ میں اٹھارہ جنوری دو ہزارچودہ کو بلدیاتی انتخابات کرانے کا حکم جاری کیا تھا۔

دفتر خارجہ کا کہنا ہے کہ امریکی وزیر دفاع کی وزیراعظم کے ساتھ ملاقات انتہائی دوستانہ ماحول میں ہوئی ہمیں یقین دلایا گیا کہ پاکستان کے ساتھ تعاون پر منفی اثر نہیں پڑنے دیا جائیگا۔ دفتر خارجہ کے ترجمان اعزاز احمد چودھری کی طرف سے جاری ایک بیان میں کہا گیا ہے کہ وزیر اعظم نواز شریف اور امریکی وزیر دفاع چک ہیگل کے درمیان ملاقات انتہائی دوستانہ ماحول میں ہوئی جس میں دوںوں رہنماو¿ں نے پاک امریکہ تعلقات کو مضبوط کرنے پر اتفاق کیا۔ ملاقات میں پاکستان میں ڈرون حملوں پر گہری تشویش کا اظہار کیا گیا۔ چک ہیگل نے یقین دلایا کہ امریکی انتظامیہ اس معاملے پر کانگریس کے ساتھ رابطے میں ہے۔ ترجمان کے مطابق امریکی وزیر دفاع نے نیٹو سپلائی کھولنے کی اہمیت پر زور دیا اور معاونت فراہم کرنے پر وزیر اعظم کا شکریہ ادا کیا۔

اوگرا نے وسطی اور جنوبی پنجاب سمیت ملک کے مختلف حصوں میں پٹرولیم مصنوعات کی قلت کا نوٹس لے لیا۔ لائسنس کی خلاف ورزی کرنے والی کمپنیوں کے خلاف کارروائی کا فیصلہ بھی کیا گیا ہے۔چیئرمین اوگرا نے پٹرولیم مصنوعات کی قلت کا نوٹس لیتے ہوئے سنٹرل اور جنوبی پنجاب سمیت ملک کے مختلف علاقوں میں انسپکشن ٹیموں کو روانہ کر دیا ہے تاکہ ذمہ داروں کے خلاف کارروائی کی جا سکے۔ وائس چیئرمین اوگرا صابر حسین کی سربراہی میں مانیٹرنگ اینڈ انفورسمنٹ کمیٹی بھی تشکیل دے دی گئی ہے جو صورتحال کو مانیٹر کرے گی۔ کمیٹی کا پہلا اجلاس کل ہو گا جس میں آئل مارکیٹنگ کمپنیوں کو بھی طلب کیا گیا ہے۔دوسری جانب پنجاب کے مختلف شہروں میں دوسرے روز بھی پیٹرول پمپس بند ہیں، کئی مقامات پر گاڑیوں کا ایندھن بلیک میں 200 روپے لیٹر تک فروخت ہونے لگا، پمپس مالکان کی جانب سے منافع بڑھانے کے مطالبے پر بہت سے لوگوں نے سائیکلیں نکال لیں۔

پاکستان اور سری لنکا کی کرکٹ ٹیموں کے درمیان پہلا ٹی 20 میچ کل کھیلا جائے گا، دبئی میں ہونے والے میچ کیلئے آئی لینڈرز نے آج ٹریننگ سیشن میں حصہ لیا جبکہ گرین شرٹس کی پریکٹس جاری ہے۔دبئی انٹرنیشنل کرکٹ اسٹیڈیم میں پاکستانی شاہینوں اور سری لنکن ٹائیگرز کے درمیان جنگ ہوگی۔سری لنکا کی تیاریوں پر پاکستان ٹیم مینجمنٹ کی گہری نظر ہے اور کھلاڑیوں کو بھی یہ بات بتادی گئی کہ افغانستان کے خلاف میچ جیسی پرفارمنس آئی لینڈرز کے خلاف کسی صورت قبول نہیں، گرین شرٹس کو اگر فاتحانہ کارکردگی دکھانا ہے تو تربیتی سیشن میں کمال فن کیلئے خوب پسینہ بہانا ہے۔

Category: Business, General, International, News Bulletins | نیوز بلیٹن, Politics, Sports

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher