PPI NEWS Bulletin 2100پی پی آئی نیوزنیوزبلیٹن

December 14, 2013

ہیڈلائنز:۔

وفاقی حکومت کا ملک میں 15 سال بعد نئی مردم شماری کرانے کا فیصلہ۔
عدالت میں پیشی، پولیس نے پرویز مشرف کو سیکیورٹی فراہم کرنے سے معذرت کرلی۔
پاکستان اور بھارت ایک دوسرے سے اقتصادی جنگ لڑیں گے، شہباز شریف۔
کراچی میں فائرنگ اور پرتشدد واقعات میں خاتون سمیت پانچ افراد ہلاک۔
سندھ میں سی این جی اسٹیشنز آئندہ ہفتے بھی تین روز بند رکھنے کا اعلان۔
اور
چین کی پہلی خلائی گاڑی چاند کی سطح پر اترگئی۔

خبروں کی تفصیل:۔

وفاقی حکومت نے ملک میں 15 سال بعد نئی مردم شماری کرانے کا فیصلہ کیا ہے تاہم اس کی حتمی منظوری مشترکہ مفادات کونسل کے اجلاس میں دی جائے گی۔تفصیلات کے مطابق الیکشن کمیشن کی جانب سے حکومت کو ملک میں مردم شماری کرائے جانے کے حوالے سے لکھے گئے خط کے جواب میں وزیر اعظم نواز شریف نے متعلقہ اداروں کو حکم جاری کرتے ہوئے کہا ہے کہ 2014 میں تمام صوبوں میں مردم شماری کے لئے تیاریاں کی جائیں تاکہ 2018 میں ہونے والے عام انتخابات نئی مردم شماری کے تحت کرائے جاسکیں۔الیکشن کمیشن کی جانب سے حکومت کو لکھے گئے خط میں کہا گیا تھا کہ ملک میں آخری بار مردم شماری 1998 میں ہوئی تھی لہٰذا یہ معاملہ مشترکہ مفادات کونسل کے سامنے رکھ کر نئی مردم شماری کرائی جائے تاکہ ملک کی آبادی کا صحیح تعین کیا جاسکے۔واضح رہے کہ پاکستان میں اب تک 5 مردم شماری ہوچکی ہیں، پہلی مردم شماری 1951، دوسری 1961، تیسری 1972، چوتھی 1981 اور پانچویں اور آخری 1998 میں کی گئی تھی۔

پنجاب میں بلدیاتی الیکشن عدلیہ کی زیر نگرانی کرانے کیلئے اپوزیشن میں رابطے شروع ہوگئے۔ مسلم لیگ ق اور تحریک انصاف نے قانونی ماہرین سے مشاورت شروع کردی ہے۔ذرائع کا کہنا ہے کہ بلدیاتی الیکشن عدلیہ کی نگرانی میں کرانے کے لئے تحریک انصاف، مسلم لیگ ق اور جماعت اسلامی کے درمیان رابطے ہوئے ہیں۔ مسلم لیگ ق نے حکومت پنجاب کے فیصلے کے خلاف عدالت سے رجوع کرنے کا فیصلہ کرلیاہے جبکہ تحریک انصاف کا بھی مو¿قف ہے کہ بلدیاتی انتخابات ڈی سی اوز کے بجائے عدلیہ کی نگرانی میں کرائے جائیں۔اس حوالے سے پی ٹی آئی قیادت نے مشاورت مکمل کر لی ہے اور عدالت میں پٹیشن دائرکرنے کیلئے قانونی ماہرین سے مشاورت شروع کر دی گئی ہے۔

وزیراعلیٰ پنجاب شہباز شریف نے کہا ہے کہ پاکستان اور بھارت ایک دوسرے سے اقتصادی جنگ لڑیں گے، سائنس، ترقی، تعلیم کے حوالے سے ایک دوسرے سے مقابلہ کریں۔چوتھے مینز کبڈی ورلڈ کپ کا فائنل دیکھنے کیلئے وزیراعلیٰ پنجاب شہباز شریف لدھیانہ کے اسٹیڈیم پہنچے۔ اس موقع پر شہباز شریف کا مزید کہنا تھا کہ آج یہاں آکر بے حدخوشی ہورہی ہے، پاکستان اور بھارت کی ٹیمیں فائنل میچ کھیلنے والی ہیں، پاکستان میچ جیتا تو آپ کے ہمسائے جیتے، بھارت میچ جیتا تو ہمارے ہمسائے جیت گئے۔اس دوران وزیراعلیٰ پنجاب شہباز شریف نے پنجابی میں بھی خطاب کیا۔ ان کا کہنا تھا کہ ہمیں پیار اور امن کو آگے لے کر چلنا چاہیے، پاکستان اور بھارت کو تجارت ساتھ لے کر چلنی چاہیے۔

کراچی میں فائرنگ اور پرتشدد واقعات میں خاتون سمیت پانچ افراد ہلاک جبکہ قانون نافذ کرنے والے اداروں نے پچاس سے زائد ملزمان کو گرفتار کرنے کا دعویٰ کیا ہے۔کراچی کے علاقے لانڈھی ریڑھی گوٹھ کے مکان سے خاتون،شاہ فیصل ندی اور نیو کراچی میں حیدری اسکول کے قریب سے تشدد زدہ دو لاشیں برآمد ہوئیں۔جناح اسپتال کے سٹی اسکین وارڈ سے بھی ایک شخص کی لاش ملی۔دوسری جانب گلستان جوہر میں راڈو بلاک بارہ میں موٹر سائیکل سواروں کی فائرنگ سے لڑکی جاں بحق جبکہ والد امین زخمی ہوگیاجبکہ لیاری کے علاقے کلری میں کریکر حملوں اور فائرنگ میں خاتون اوربچے سمیت چار افراد زخمی ہوگئے۔دوسری جانب سی آئی ڈی نے کیماڑی سے ریڈ بک میں شامل کالعدم تحریک طالبان کے رکن عدنان کو گرفتار کرلیا،جبکہ رینجرز نے مختلف کارروائیوں میں انیس ملزمان دھر لیے۔ ایسٹ زون پولیس نے چودہ ملزمان جبکہ ویسٹ زون میں ٹارگٹ کلر سمیت اٹھائس ملزمان کو گرفتار کرلیا گیا۔

سندھ بھر میں آئندہ ہفتے سی این جی اسٹیشنز پیر صبح آٹھ بجے سے ایک دن اور بدھ صبح آٹھ بجے سے دو دن کیلئے بند رہیں گے۔ سوئی سدرن کمپنی کے مطابق گیس کی طلب بڑھنے سے لائن پیک اور پریشر میں دباﺅ دیکھا جارہا ہے۔ مسئلے سے نمٹنے کیلئے سی این جی اسٹیشنز کے ہفتہ وار گیس لوڈ مینجمنٹ شیڈول میں تبدیلی کی گئی ہے۔ نئے شیدول کے تحت سندھ بھر میں تمام سی این جی اسٹیشنز آئندہ ہفتے پیر صبح آٹھ بجے سے چوبیس گھنٹے کیلئے بند رہیں گے۔ ساتھ ہی سی این جی اسٹیشنز کو بدھ صبح آٹھ بجے سے اڑتالیس گھنٹوں کیلئے گیس سپلائی مزید بند رہے گی۔

چین کی جانب سے بھیجی جانے والی پہلی خلائی گاڑی چاند کی سطح پر اتر گئی ہے۔چین کے سرکاری ٹی وی کے مطابق خلائی گاڑی چینگ تھری (Chang’e 3) چاند کے سائنس اریڈیم نامی میدان میں اتری۔ اسے لانگ مارچ تھری نامی راکٹ کے ذریعے دو دسمبر کو چاند کی جانب روانہ کیا گیا تھا اور یہ تیرہ دن کے سفر کے بعد بحفاظت چاند پر اتر گئی۔ چین کی خلائی گاڑی روس کے خلائی جہاز کے سینتیس برس بعد چاند کی سطح پر اتری ہے۔

Category: Business, General, Human Rights, International, News Bulletins | نیوز بلیٹن, Politics, Science

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher