PPI NEWS Bulletin 1900 پی پی آئی نیوز بلیٹن

February 21, 2014

ہیڈلائنز:۔

طالبان سے بات چیت کا اختیار بھی فوج کے سپرد کردیا جائے، پروفیسر ابراہیم۔
پاکستانی قوم کو امن کیساتھ رہنے کا پورا حق ہے، حمزہ شہباز۔
ملک کی ترقی کیلئے محنت اور لگن سے کام کرنے والی قومیں ہی سرخرو رہ سکتی ہیں، وزیراعظم۔
لاپتہ افراد سے متعلق کیس کی سماعت تیرہ مارچ تک ملتوی۔
پیٹرولیم مصنوعات کی قیمتوں میں ساڑھے تین روپے فی لیٹر تک کمی کا امکان۔
اور
ایران کی بلی کو خلاءمیں بھیجنے کی تیاری۔

خبروں کی تفصیل:۔

طالبان کمیٹی کے رکن پروفیسر ابراہیم کہتے ہیں فوج کو دفاع کا حق ہے تو طالبان سے بات چیت کا اختیار بھی فوج کے سپرد کردیا جائے تاکہ براہ راست بات چیت ہوسکے۔ ایک انٹرویو کے دوران پروفیسر ابراہیم کا کہنا تھا کہ دنیا میں کہیں بھی ایسا نہیں ہوتا کہ کوئی فریق یک طرفہ جنگ بندی کا اعلان کرے۔انہوں نے کہا کہ طالبان کا موقف ہے کہ وہ جنگ بندی کیلئے تیار ہیں مگر حکومت بھی جنگ بندی کا اعلان کرے اور ساتھیوں کی لاشیں گرانا بند کرے۔ پروفیسر ابراہیم نے کہا کہ وزیر داخلہ کہتے ہیں کہ دفاع فوج کا حق ہے تو طالبان سے مذاکرات کا اختیار بھی فوج کو سونپ دیا جائے تاکہ براہ راست بات چیت ہو۔ انہوں نے کہا کہ حکومتی کمیٹی کا رویہ مذاکرات میں ڈیڈلاک کا باعث بنا۔ پروفیسر ابراہیم کا کہنا تھاکہ سرکاری کمیٹی نے تاحال کوئی رابطہ نہیں کیا، پیغام آیا تو غور کریں گے۔

حمزہ شہباز شریف نے کہا ہے کہ پاکستانی قوم کو امن کیساتھ رہنے کا پورا حق ہے۔ہم نے جو مذاکرات کیے وہ امن کیلئے کیے تھے۔مسلم لیگ ن کے رہنما حمزہ شہباز نے قصور میں میڈیا سے بات کرتے ہوئے کہا کہ امن اور بقا کی اس جنگ میں جیت پاکستانی قوم کا ہی مقدر بنے گی ، پاکستانی قوم کو امن کے ساتھ رہنے کو پورا حق ہے، حمزہ شہباز کا کہنا تھا کہ ہم نے مذاکرات کے لیے جو کمیٹی بنائی وہ مکمل نیک نیتی کے ساتھ بنائی اور خواہش ہے کہ ملک میں امن ہو، لیکن قتل و غارت گری اور مذاکرات ایک ساتھ نہیں چل سکتے۔

وزیراعظم نواز شریف نے کہا ہے کہ آج مقابلے کے اس دور میں صرف وہی قومیں سرخرو رہ سکتی ہیں جو محتت اور لگن سے اپنے ملک کی ترقی کےلئے کام کرتی ہیں۔لاہور میں اسپورٹس فیسٹیول کی تقریب سے خطاب کرتے ہوئے وزیر اعظم نواز شریف کا کہنا تھا کہ مجھے کھیل صرف اس لئے پسند نہیں کہ وہ آپ کو صحت مند رکھتا ہے بلکہ اس لئے بھی کہ کھیل آپ کو قابل قدر مقابلے کا موقع فراہم کرتا ہے جو عمدہ کردار کی ضمانت ہے۔وزیراعظم نواز شریف کہا کہ یہ ایک تسلیم شدہ حقیقت ہے کہ تندرست زندگی گزارنے کےلئے صحت مند جسم ضروری ہے، صحت مند انسان کی ناصرف عمر لمبی ہوتی بلکہ مضبوط جسم کی بدولت وہ معاشرے میں فعال اور کارآمد شہری کے طور پر اپنا کردار ادا کرتا ہے۔

سپریم کورٹ نے لاپتہ افراد سے متعلق کیس کی سماعت تیرہ مارچ تک ملتوی کردی،،عدالت نے تین ریٹائرڈ فوجی افسروں کو بیان حلفی جمع کرانے کا حکم دے دیا۔ جسٹس جواد ایس خواجہ کی سربراہی میں سپریم کورٹ کے تین رکنی بینچ نے لاپتہ افراد سے متعلق کیس کی سماعت کی،،ایڈووکیٹ جنرل پنجاب مصطفی رمدے نے عدالت کوبتایا کہ ڈاکٹرعمران کے بیان قلمبند کرنے کیلئے ٹیم کو سری لنکا بھیجا جارہا ہے، عمران اورمسعود ایک ہی وقت میں آئی ایس آئی کے پاس رہے ہیں،،عدالت نے کرنل حبیب اللہ ریٹائرڈ، لیفٹیننٹ جنرل شفقات ریٹائرڈ اورلیفٹیننٹ جنرل ندیم ریٹائرڈ کو ہدایت کی ہے کہ اس کیس میں بیان حلفی جمع کرائیں،،تین رکنی بینچ نے کہا ہے کہ اگربیان حلفی جمع نہ کرایا گیا تو پنشن روکنے کا حکم دیا جائے گا۔

عوام کیلئے خوشخبری، پیٹرولیم مصنوعات کی قیمتوں میں ساڑھے تین روپے فی لیٹر تک کمی کا امکان ہے۔ ذرائع کے مطابق، اوگرا نے پیٹرولیم مصنوعات ساڑھے تین روپے فی لٹر تک سستا کرنے کی سفارشات تیار کرلی ہیں۔ذرائع کے مطابق پٹرول کی قیمت میں 2 روپے 53 پیسے فی لیٹر، ہائی آکٹین 3 روپے 50 پیسے، ہائی اسپیڈ ڈیزل 51 پیسے اور لائٹ ڈیزل کی قیمت میں 47 پیسے فی لٹر کمی کا امکان ہے۔ مٹی کے تیل کی قیمت میں 13 پیسے فی لیٹر کمی کی توقع ہے۔ ذرائع کے مطابق اوگرا پیٹرولیم مصنوعات کی قیمتوں میں کمی کی سفارشات ستائیس فروری کو وزارت پیٹرولیم کو ارسال کرے گی۔

ایران نے ایک بلی کو خلا میں بھیجنے کی تیاریاں شروع کردیں۔ایران سال دو ہزار گیارہ میں ایک بندر کو خلا میں بھیجنے کی ناکام کوشش کرچکا ہے جس کے بعد اب فیصلہ کیا گیا ہے کہ ایک بلی کو خلا میں بھیجا جائے گا جس کیلئے ایک پرشین بلی کو منتخب کیا گیا ہے،ایرانی حکام کے مطابق خلا میں کسی جانور کو بھیجنے کیلئے بہت سے جانوروں پر تحقیق کی گئی جس میں پرشین بلی کو بہترین پایا گیا۔ بلی کو آئندہ سال خلا میں بھیجا جائیگا۔

Category: Business, General, Human Rights, News Bulletins | نیوز بلیٹن, Politics, Science

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher