PPI NEWS Bulletin 1800پی پی آئی نیوزنیوزبلیٹن

December 14, 2013

ہیڈلائنز:۔

الیکشن کمیشن نے بلوچستان میں بلدیاتی انتخابات کے غیر حتمی نتائج کا اعلان کردیا

۔نیب کے معاملے پر پیپلزپارٹی یوسف رضا گیلانی کیساتھ کھڑی ہے، قمر زمانکائرہ۔

وزیراعطم کے نجکاری منصوبے سے بیروزگاری میں دس گنا اضافہ ہوگا، امیر جماعت اسلامی۔
چیف جسٹس سانحہ علی گڑھ اور قصبہ کالونی کے واقعے کا ازخود نوٹس لیں، الطاف حسین۔
خرم دستگیر نے نجکاری کی وزارت سے استعفیٰ دیدیا۔
اور
چار بلاک بسٹر فلموں کیساتھ دپیکا پڈوکون رواں برس کی کامیاب ترین ہیروئین قرار۔

خبروں کی تفصیل:۔

الیکشن کمیشن نے بلوچستان میں بلدیاتی انتخابات کے غیر حتمی نتائج کا اعلان کردیا ہے جس کے مطابق آزاد امیدواروں نے سب سے زیادہ نشستیں حاصل کی ہیں۔بلدیاتی انتخابات کے غیر حتمی نتائج مکمل کرنے کے بعد کوئٹہ میں پریس کانفرنس کرتے ہوئے چیف الیکشن کمشنر بلوچستان سلطان بایزید نے بتایا کہ صوبے میں سب سے زیادہ نشستوں پر آزاد امیدوار کامیاب ہوئے ہیں جنہوں نے2 ہزار 675 نشستیں حاصل کیں تاہم پارٹی پوزیشن کے مطابق جمعیت علما اسلام 964 نشستوں کے ساتھ سرفہرست ہے، جب کہ پشتونخوا ملی عوامی پارٹی 765 نشستوں کےساتھ دوسرے ، نیشنل پارٹی 562 نشستوں کےساتھ تیسرے اور مسلم لیگ (ن) 472 نشستوں کے ساتھ چوتھے نمبر پر ہے۔چیف الیکشن کمشنر بلوچستان کا کہنا تھا کہ بلدیاتی انتخابات میں ٹرن آو¿ٹ 42 سے 45 فیصد رہا۔ ان کا کہنا تھا کہ صوبے میں مخصوص نشستوں پر بلدیاتی الیکشن ضمنی انتخابات کے بعد ہوں گے۔

سابق وفاقی وزیر قمر الزمان کائرہ نے کہا ہے کہ نیب کے سامنے پیش ہونے کے معاملے پر پیپلز پارٹی یوسف رضا گیلانی کیساتھ کھڑی ہے۔ڈوگر ہاو¿س ملتان میںمیڈیا سے گفتگو کرتے ہوئے قمر الزمان کائرہ کا کہنا تھا کہ یوسف رضا گیلانی کے فیصلے دراصل وزیراعظم آفس کے فیصلے تھے جس پر آئین کے آرٹیکل 248 کے تحت وزیرا عظم کو مستشنی قرار دیتا ہے اسی لیے سابق وزیر اعظم کو کسی بھی صورت نیب کے سامنے پیش نہیں ہونا چاہیے۔ سابق وفاقی وزیر نے کہا کہ پنجاب میں حلقہ بندیوں پر شدید تحفظات ہیں جس پر ہمارے سمیت تمام اپوزیشن جماعتیں سراپا احتجاج ہیں۔ قمر الزمان کائرہ نے کہا کہ امید ہے کہ نئے چیف جسٹس آئین کے تحت کام کریں گے۔

جماعت اسلامی کے امیر سید منور حسن کا کہنا ہے کہ وزیر اعظم نوازشریف نے اپنی صاحبزادی مریم نواز کو یوتھ لون اسکیم کا چیرپرسن مقرر کیا ہے لیکن پہلے وہ ان کی قابلیت سے تو میڈیا کو آگاہ کریں۔پشاور میں پریس کانفرنس کے دوران امیر جماعت اسلامی کا کہنا تھا کہ پاکستان میں ڈرون حملے پرویز مشرف اور امریکی صدر جارج ڈبلیو بش کے درمیان طے پانے والے ایک خفیہ معاہدے کے تحت شروع ہوئے تھے اور آصف زرداری کے دور میں بھی اس کا سلسلہ برقرار رہا. انہوں نے کہا کہ ڈرون حملوں کی بندش کے لئے نیٹو سپلائی لائن پر دھرنے سے امریکا کی جان پربنی ہوئی ہے، اس احتجاج کو ختم کرانے کے لئے کئی ممالک کے سفیر حکومت کے پاس جاچکے ہیں۔امیر جماعت اسلامی کا کہنا تھا کہ وزیر اعظم نوازشریف کی حکومت 68 قومی اداروں کی نجکاری کررہی ہے جس سے بے روزگاری میں 10 گنا اضافہ ہوگا۔

متحدہ قومی موومنٹ کے قائد الطاف حسین نے کہا ہے کہ ایم کیوایم سانحہ علی گڑھ و قصبہ کالونی کے شہدا کا لہو ہرگز رائیگاں نہیں جانے دے گی اوروہ چیف جسٹس آف پاکستان جسٹس تصدق حسین جیلانی سے اپیل کرتے ہیں کہ 27 برس قبل ہونے والے اس ظلم کو نوٹس لیں۔اپنے بیان میں الطاف حسین نے کہا کہ آج بھی ایم کیوایم کی پرواز کو روکنے کے لئے بے گناہ اور معصوم عوام سے خون سے ہولی کھیلنے کی روش برقرار ہے۔الطاف حسین نے کہاکہ 27 برس گزرنے کے بعد بھی بانیانِ پاکستان کی اولادوں کے ساتھ ہونے والے ظلم میں ملوث سفاک عناصر قانون کی گرفت سے محفوظ اور سانحہ میں شہید ہونے والے 300 سے زائد شہدا کے لواحقین انصاف کے منتظر ہیں۔

وزیر مملکت خرم دستگیر نے نجکاری کمیشن بورڈ کی تشکیل میں تاخیر اور اختلافات کے باعث استعفیٰ دے دیا، کامرس اور ٹیکسٹائل کی وزارت بدستور ان کے پاس رہے گی۔ذرائع کا کہنا ہے کہ خرم دستگیر نے نجکاری کی وزارت سے استعفیٰ دے دیا، وزیر مملکت نے پچیس روز قبل نجکاری کمیشن بورڈ کی تشکیل کی سمری وزیراعظم کو ارسال کی تھی،اس کے باوجود نجکاری بورڈ کی تشکیل نہ ہو سکی،ذرائع کے مطابق بعض اعلیٰ حکومتی حکام نجکاری بورڈ میں اپنے من پسند افراد شامل کرانا چاہتے ہیں۔خرم دستگیر کے قریبی ذرائع نے وزارت نجکاری سے استعفے کی تصدیق کی ہے۔

بالی وڈ اداکارہ دپیکا پڈکون چار بلاک بسٹر فلمیں دے کر رواں سال کی کامیاب ترین ہیروئن بن گئی،اداکارہ نے شاندار کامیابی پر اپنے مداحوں کا شکریہ ادا کیا ہے۔دپیکا پڈکون کی رواں سال ریلیز ہونے والی پانچ فلموں میں چار نے ریکارڈ بزنس کیا،ریس ٹو میں دپیکا نے سیف علی خان کے ساتھ اداکاری کے جوہر دکھائے۔یہ فلم شائقین کی جیبوں سے ایک سو ساٹھ کروڑ روپے نکلوا چکی ہے۔یہ جوانی ہے دیوانی میں دپیکا کی رنبیر کے ساتھ جوڑی باکس آفس پر خوب جمی،رومانٹک فلم نے،دنیا بھر میںتین سو کروڑ کے قریب بزنس کیا۔اداکارہ چنائی ایکسپریس میں کنگ خان کے ساتھ تتلی بن کر اڑیں،اس فلم نے تین سو پچھتر کروڑ روپے سے زائد کا بزنس کیا۔رام لیلا میں اداکار رنویرسنگھ کے ساتھ دپیکا کی جوڑی نے شائقین کو دیوانہ کر دیا،ایکشن فلم دو سو کروڑ روپے کا بزنس کر چکی ہے۔

Category: Business, Entertainment, Human Rights, News Bulletins | نیوز بلیٹن, Politics

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher