PPI NEWS Bulletin1700پی پی آئی نیوز بلیٹن

December 10, 2013

ہیڈلائنز:۔

ڈرون حملوں سے پاکستان کی دہشتگردی کیخلاف جنگ پر منفی اثرات مرتب ہورہے ہیں، وزیراعظم۔
سپریم کورٹ کا آئی جی ایف سی بلوچستان کا طبی اور چھٹی کا ریکارڈ کل پیش کرنیکا حکم۔
نیٹو سپلائی عالمی معاہدے کے تحت کی جاتی ہے، وفاقی وزیر اطلاعات۔
پنجاب میں بلدیاتی انتخابات سول انتظامیہ کی زیر نگرانی کرانے کا نوٹی فکیشن جاری۔
حکومت کا پی آئی اے کی نجکاری کا اعلان۔
اور
جونئیر ہاکی ورلڈکپ، پاکستان ٹورنامنٹ سے باہر۔

خبروں کی تفصیل:۔

وزیراعظم میاں نواز شریف نے کہا کہ ڈرون حملوں سے پاکستان کی دہشتگردی کیخلاف جنگ پر منفی اثرات مرتب ہورہے ہیں۔ اسلام آباد میں یورپی یونین کے اعزاز میں ظہرانے سے خطاب میں وزیراعظم نے کہا کہ دہشتگردی سے نمٹنے کا بہترین طریقہ قومی اتفاق رائے ہے، تاہم ڈرون حملے قومی اتفاق رائے کو متاثر کررہے ہیں۔ انھوں نے کہا کہ ہم بھارت سمیت ہمسایہ ممالک کیساتھ برابری اور احترام کا تعلق چاہتے ہیں۔دوسری جانب قومی اسمبلی میں ڈرون حملوں کو روکنے کی قرارداد متفقہ طور پر منظور کر لی گئی،قرارداد جماعت اسلامی کی رکن نعیمہ کشور نے پیش کی۔قومی اسمبلی میں پیش کی گئی قرارداد کے مطابق ڈرون حملے پاکستان کی خود مختاری کے خلاف ہیں، فوری بند کیے جائیں۔

سپریم کورٹ نے آئی جی ایف سی توہین عدالت کیس میں آئی جی میجر جنرل اعجاز شاہد کا طبی اور چھٹی کا ریکارڈ کل پیش کرنے کا حکم دیا ہے۔چیف جسٹس افتخار محمد چوہدری کی سربراہی میں تین رکنی بنچ نے کیس کی سماعت کی، اس موقع پرعدالت کا کہنا تھا کہ 12 روز سے ایک افسر چھٹی پر ہے ایف سی اعلیٰ افسر کے بغیر کیسے کام کررہی ہے، قانون کا مذاق اڑایا جارہا ہے، ٹیلی فون پر لمبی چھٹی دینا آئین کا مذاق اڑانے کے مترادف ہے۔وزارت داخلہ کی طرف سے بتایا گیا کہ میجر جنرل اعجاز کی رخصت کی درخواست موصول نہیں ہوئی، بریگیڈیر خالد سلیم قائم مقام آئی جی کے فرائض ادا کررہے ہیں۔ سپریم کورٹ نے توہین عدالت کیس کی سماعت کل تک ملتوی کرتے ہوئے آئی جی میجر جنرل اعجاز شاہد کا طبی اور چھٹی کا ریکارڈ کل عدالت میں پیش کرنے کا حکم دے دیا۔

وزیر اطلاعات و نشریات پرویز رشید نے کہا ہے کہ نیٹو سپلائی عالمی معاہدے کے تحت کی جاتی ہے جو روکے گا وہ خود ذمہ دار ہوگا۔ کہتے ہیں ایک ڈنر سے ڈرون ڈارلنگ میں تبدیل ہو سکتا ہے۔ چیف جسٹس افتخار محمد چوھدری کو سنہری الفاظ میں الوداع کرتے ہیں۔اسلام آباد میں انسانی حقوق کے عالمی دن کی تقریب کے بعد میڈیا سے بات چیت کرتے ہوئے پرویز رشید نے کہا کہ نیٹو سپلائی کی بندش محض ڈرامہ ہے بلدیاتی الیکشن میں کونسلرز کی چند نشستیں جیتنے کی خاطر یہ سب کچھ کیا جا رہا ہے،عوام کو سوچنا چاہیئے کہ کون ملکی مفاد کے لئے کام کر رہا ہے۔ وفاقی وزیر اطلاعات نے کہاکہ لاپتہ افراد کو برآمد کرنے کئے کام کر رہے ہیں،قانون کے سامنے سب جوابدہ ہیں،سب کو قانو ن اور عدالتوں کے سامنے پیش ہونا چاہیئے۔

پنجاب میں بلدیاتی انتخابات سول انتظامیہ کی زیر نگرانی کرانے کا نوٹی فکیشن جاری کر دیا گیا۔الیکشن کمشنرپنجاب کی طرف سے صوبے میں بلدیاتی انتخابات کرانے کے حوالے سے جاری کردہ نوٹیفکیشن میں تمام اضلاع کے ڈی سی اوز کو ڈسٹرکٹ ریٹرننگ آفیسرز بنا دیا گیاہے،اسی طرح مختلف محکموں کے ڈسٹرکٹ آفیسرز بلدیاتی انتخابات میں ریٹرننگ آفیسر ہوں گے۔

حکومت نے پی آئی اے کی نجکاری کا اعلان کردیا۔ وزیر پارلیمانی امور شیخ آفتاب کہتے ہیں چھبیس فیصد شیئرز فروخت کیے جارہے ہیں اور ملازمین کو بے روزگار نہیں کیا جائے گا۔ پیپلز پارٹی نے نجکاری کے خلاف قومی اسمبلی سے واک آوٹ کیا۔قومی اسمبلی میںوفاقی وزیر پارلیمانی امور شیخ آفتاب نے کہا کہ وزیراعظم نے پی آئی اے کی بہتری کے لیے سولہ ارب روپے دیے ہیں۔ اسٹیل مل کی حالت بھی بہتر کی جائے گی۔ سابق دورحکومت میں کرپشن اور اقربا پروری عروج پر تھی جس کے باعث کئی ادارے تباہ ہوگئے۔ نجکاری کے خلاف اپوزیشن نے احتجاج کیا۔اپوزیشن لیڈر خورشید شاہ نے کہا کہ نون لیگ والے جب بھی آتے ہیں مزدوروں کے پیچھے پڑ جاتے ہیں، پتہ نہیں نون لیگ مزدور اور کسان کی کیوں دشمن ہے۔

بیلجئیم کے ہاتھوں شکست کے بعد پاکستان ہاکی ٹیم کا جونئیر ورلڈ کپ کا سفرختم ہوگیا۔جونئیرہاکی ورلڈ کپ کاسابق چیمپئین پاکستان بھارت میں جاری عالمی کپ کے پہلے راو¿نڈ میں ہی باہر ہوگیا ہے۔ بیلجئیم کے ہاتھوں شکست نے پاکستان کو کوارٹر فائنل کی دوڑ سے باہر کردیا ہے۔ قومی جونئیر ہاکی ٹیم کو پول میچز میں جرمنی کے ہاتھوں چھ ایک سے شکست کاسامنا کرناپڑا تھا اوروہ بمشکل مصرکےخلاف فتح حاصل کرپائی تھی۔ یہ اس کی ٹورنامنٹ میں واحد کامیابی تھی۔

Category: General, News Bulletins | نیوز بلیٹن, Politics, Social Issues, Sports

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher