PPI NEWS Bulletin 1700پی پی آئی نیوزنیوزبلیٹن

December 14, 2013

ہیڈلائنز:۔

حکومت سندھ کا پیرول پر رہا کیے گئے ملزمان کو گرفتار کرنے کا فیصلہ۔
تحریک انصاف کا بلدیاتی انتخابات عدلیہ کے زیرتحت کرانے کا مطالبہ۔
امن کا قیام مسئلہ کشمیر کو حل کرنے سے ہی ممکن ہے، مولانا فضل الرحمان۔
لاہور میں بغیر ٹکٹ سفر کرنے والے طلباءکے تشدد سے ریلوے ٹکٹ چیکر ہلاک۔
پاک افغان سرحد پر امریکی ڈرون حملہ، پانچ افراد ہلاک۔
اور
ٹیم کی کارکردگی میں بہتری آرہی ہے، مصباح الحق۔

خبروں کی تفصیل:۔

ارباب غلام رحیم دور میں پیرول پر رہا کیے گئے ملزمان کو گرفتار کرنے کا فیصلہ کیا گیا ہے ،اس بات کا فیصلہ کراچی میں ہونے والے وزیراعلیٰ سندھ کی زیرصدارت امن و امان سے متعلق اجلاس میں کیا گیا۔اس بات کی تصدیق کرتے ہو ئے ترجمان وزیراعلیٰ ہاﺅس نے کہا کہ جیلوں میں قید خطرناک مجرموں کوبھی دیگر صوبوں کی جیلوں میں منتقل کرنے کا فیصلہ کیا گیا جبکہ جیل میں قید اگر کوئی مجرم باہر رابطے کرتا پکڑا گیا تو جیل سپرینڈینٹ کے خلاف سخت کارروائی کی جائے گی اور انسداد دہشت گردی کی مزید خصوصی عدالتیں فوری طور پر قائم کی جائیں گی۔ اجلاس میں یہ بھی فیصلہ کیا گیا کہ پولیس کے لیے مزید بکتربند گاڑیاں اور جدید اسلحہ خریدا جائے گا۔

تحریک انصاف نے مہنگائی کے خلاف احتجاج کا اعلان اور بلدیاتی انتخابات عدلیہ کی نگرانی میں کرانے کا مطالبہ کر دیا، عمران خان کہتے ہیں کہ پنجاب حکومت شفاف انتخابات کرانے سے ڈر گئی ہے،ڈی سی اوز کو ڈسٹرکٹ ریٹرننگ افسر بنا دیا گیا ہے۔زمان پارک لاہور میں اپنی رہائش گا پر پریس کانفرنس کرتے ہوئے تحریک انصاف کے چیئرمین عمران خان کا کہنا تھا کہ وفاقی حکومت کو بہت سے مواقع فراہم کیے، بلیک منی کو وائٹ کر کےغریبوں کا جینا مشکل کیا جا رہا ہے۔پارٹی کا فرض ہے عوام کی نمائندگی کرے،عمران خان نے اعلان کیا کہ 22 دسمبر کو مہنگائی کے خلاف احتجاج کریں گے،احتجاج میں سید منور حسن اور شیخ رشید بھی شرکت کریں گے۔انہوں نے کہا کہ بلدیاتی انتخابات سے متعلق عدلیہ سے رجوع کریں گے پیر کو سپریم کورٹ جاو¿ں گا۔4 حلقوں کا احتساب ہو جائے تو سارا فراڈ سامنے آ جائے گا۔

جمعیت علمائے اسلام ف کے سربراہ مولانا فضل الرحمن نے کہا ہے کہ پاکستان اور بھارت کو مسائل کم کرنے کے لئے اہم فیصلے کرنا ہونگے،امن کا قیام مسئلہ کشمیر کو حل کرنے سے ہی ممکن ہے۔بھارت میں دیوبند کانفرنس سے خطاب میں مولانا فضل الرحمن نے کہا کہ اسلام امن وسلامتی کا مذ ہب ہے، دنیا میں قیام امن کی اشد ضرورت ہے،جنوبی ایشیا میں امن کے بغیر تجارت کا فروغ ناممکن ہے۔ ان کا کہنا تھا کہ مسئلہ کشمیر کو کسی صورت نظر انداز نہیں کیا جاسکتا۔ پاک بھارت اعتماد سازی اقدامات کو فروغ دیا جائے،پاکستان اور بھارت میں غربت کا خاتمہ تعلقات میں بہتری سے مشروط ہے۔

ٹرین میں بغیر ٹکٹ سفر کرنے والے کامرس کالج شیخوپورہ کے 4 طالب علموں نے ٹکٹ چیکر کو تشدد کا نشانہ بنا کر موت کے گھاٹ اتار دیا۔تفصیلات کے مطابق سرگودھا ایکسپریس میں کامرس کالج شیخو پورہ کے 4 طلبہ بغیر ٹکٹ سفر کررہے تھے کہ اس دوران لاہور اسٹیشن کے قریب رانا شبیر نامی ٹکٹ چیکر نے ان سے ٹکٹ طلب کیا، ٹکٹ چیک نہ کروانے پر طلبا اور ٹکٹ چیکر کے درمیان تلخ کلامی شروع ہوگئی جس کے بعد طالب علموں نے ٹکٹ چیکر کو شدید تشدد کا نشانہ بنایا جو بعد ازاں زخموں کی تاب نہ لاتے ہوئے چل بسا۔واقعے کے بعد لاہور پولیس نے خرم شہزاد نامی ایک طالب علم کو حراست میں لے لیا جب کہ اس کے دیگر ساتھی موقع سے فرار ہونے میں کامیاب ہوگئے۔

افغانستان میں پاکستانی سرحد سے متصل علاقے لوئے شلمان میں امریکی میزائل حملے میں پانچ افراد ہلاک ہوگئے۔قبائلی ذرائع کے مطابق امریکی جاسوس طیاروں نے شدت پسندوں کو شمپوک کے علاقے میں نشانہ بنایا گیا، جاسوس طیاروں نے دریائے کابل میں کشتی پر دو میزائل داغے۔ قبائلی ذرائع کا مزید کہنا ہے کہ میزائل حملے میں ہلاک افراد کی تعداد پانچ ہوگئی، جب کہ دو زخمی بھی ہیں۔ میزائل حملہ پاکستانی سرحد کے قریب افغان علاقے میں کیا گیا۔

قومی کرکٹ ٹیم کے کپتان مصباح الحق کا کہنا ہے کہ ٹیم نے ایک سال سخت پریشر میں گزارا، اب کارکردگی میں بہتری آ رہی ہے۔ دبئی روانگی کے موقع پر لاہور ائیرپورٹ پر میڈیا سے گفتگو کرتے ہوئے مصباح الحق نے کہا کہ قومی ٹیم نے سری لنکا کیخلاف دوسرے ٹی ٹونٹی میں مستند بلے بازوں کی وکٹیں کھونے کے باوجود اچھی کارکردگی پیش کی، بیس رنز کا فرق شکست کا باعث بنا، لوئر مڈل آرڈر کا پرفارم کرنا خوش آئند ہے۔انھوں نے کہا کہ یو اے ای میں اوس پڑنے سے بولرز کو مشکلات کا سامنا ہے، سری لنکن ٹیم میں بہترین کھلاڑی ہیں، ون ڈے اور ٹیسٹ میں بھی اچھا مقابلہ ہو گا۔

Category: General, Human Rights, International, News Bulletins | نیوز بلیٹن, Politics, Sports

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher