PPI NEWS Bulletin 1500پی پی آئی پی پی

December 9, 2013

ہیڈلائنز:۔

چاہے کچھ بھی ہوجائے آج لاپتہ افراد کے مقدمے کو نمٹا دیں گے، چیف جسٹس۔
امریکی وزیر دفاع کی اسلام آباد میں سیاسی و عسکری قیادت سے ملاقاتیں۔
سپریم کورٹ کا فٹنس سرٹیفکیٹ کے بغیر چلنے والی تمام پبلک ٹرانسپورٹ بند کرنیکا حکم۔
ایڈیلیڈ ٹیسٹ، آسٹریلیا نے انگلینڈ کو218 رنز سے شکست دیدی۔
اور
پاکستان سمیت دنیا بھر میں آج انسداد بدعنوانی کا عالمی دن منایا جارہا ہے۔

خبروں کی تفصیل:۔

چیف جسٹس افتخار محمد چوہدری کا کہنا ہے کہ حکومت خود کو قانون سے بالاتر سمجھتے ہوئے وقت ضائع کررہی ہے، چاہے کچھ بھی ہوجائے آج لاپتہ افراد کے مقدمے کو نمٹا دیں گے۔چیف جسٹس افتخار محمد چوہدری کی سربراہی میں تین رکنی بنچ نے لاپتہ افراد کیس کی سماعت شروع کی تو وزیر دفاع خواجہ آصف عدالت میں پیش ہوئے جب کہ باقی لاپتہ افراد عدالت میں نہیں لائے گئے، اٹارنی جنرل نے عدالت کو بتایا کہ مرنے والے دو افراد کے لواحقین کو ان کیمرہ پیش کیا جا سکتا ہے جس پر چیف جسٹس کا کہنا تھا کہ ہم روزانہ بند کمروں میں سماعت نہیں کر سکتے، سماعت کے دوران قائم مقام سیکرٹری دفاع میجر جنرل ریٹائر عارف ندیم اور وزیر دفاع خواجہ آصف نے عدالت کو یقین دہانی کرائی کے 2 مزید افراد کا سراغ ملا ہے انہیں کل عدالت کے سامنے پیش کردیا جائے گا۔ اس موقع پر اٹارنی جنرل منیر اے ملک نے کہا کہ پارلیمنٹ کے اجلاس میں لاپتہ افراد سے متعلق قانون سازی کریں گے اس پر چیف جسٹس نے کہاکہ 6 ماہ گزر چکے ہیں لیکن حکومت نے لاپتہ افراد سے متعلق جو کیس چل رہا ہے اس پر کوئی قانون سازی نہیں کی جو تشویشناک ہے، حکومت خود کو قانون سے بالاتر سمجھتے ہوئے وقت ضائع کررہی ہے۔

امریکی وزیر دفاع چک ہیگل نے اسلام آباد میں آرمی چیف جنرل راحیل شریف اور وزیراعظم میاں نواز شریف سے علیحدہ علیحدہ ملاقاتیں کی ہیں۔امریکی وزیر دفاع چک ہیگل نے پاکستان پہنچنے کے بعد آرمی چیف جنرل راحیل شریف سے ملاقات کی جس میں خطے میں سیکیورٹی کی صورتحال، پاک امریکا عسکری روابط اور پاک افغان سرحدی تعاون پربات چیت کی۔دوسری جانب وزیراعظم ہاو¿س آمد پر وزیردفاع خواجہ آصف نے چک ہیگل کا استقبال کیا۔ جہاں انہوں نے وزیراعظم نواز شریف سے ملاقات کی۔ملاقات کے دوران سیکیورٹی اور افغان امن عمل سے متعلق امور پر بات چیت ہوئی۔ ملاقات کے دوران وزیراعظم نواز شریف نے امریکی وزیر دفاع سے پاکستان میں ڈرون حملے بند کرنے کا مطالبہ کرتے ہوئے کہاکہ ان حملوں سے دہشت گردی کے خاتمے کی کوششوں پر منفی اثرات مرتب ہورہے ہیں۔ امریکا اور پاکستان کے درمیان بہتر تعلقات کے لئے ڈرورن حملے بند کئے جائیں۔

سپریم کورٹ نے پنجاب بھر میں فٹنس سرٹیفکیٹ کے بغیر چلنے والی تمام پبلک ٹرانسپورٹ کو فوری طور بند کرنے کا حکم دے دیا۔چیف جسٹس افتخار محمد چوہدری کی سربراہی میں سپریم کورٹ کے بینچ نے گجرات میں اسکول وین میں آتشزدگی اور اس کے نتیجے میں بچوں کی ہلاکت کے معاملے کے ازخود نوٹس کیس کی سماعت کی، عدالت نے کیس کا فیصلہ سناتے ہوئے حکم دیا کہ ملک کے تمام صوبوں کے متعلقہ حکام میرٹ پر گاڑیوں کو فٹنس سرٹیفکیٹ دیں اور اوگرا غیر معیاری پٹرول پمپس اور سی این جی اسٹیشنوں کے خلاف کارروائی کرے، عدالت نے اپنے حکم میں کہا کہ کمرشل گاڑیوں کے مالکان غیر معیاری سی این جی سلنڈر اتار دیں اور پٹرولیم اور سی این جی کی غیر قانونی فروخت روکنے کو یقینی بنایا جائے، عدالت نے حکومت پنجاب حادثے میں جاں بحق ہونے والوں کے ورثا کو معاوضہ ادا کرنے کا بھی حکم دیا۔

ایڈیلیڈ ٹیسٹ میں آسٹریلیا نے انگلینڈ کو218 رنز سے شکست دے کر سیریز میں2-0 سے برتری حاصل کرلی۔انگلینڈ نے ایڈیلیڈ ٹیسٹ میں آخری دن کا کھیل 247رنز چھ وکٹ کے نقصان پر دوبارہ شروع کیا، مہمان ٹیم کی آخری وکٹ 312 رنز پر گری جب مونٹی پینیسر بغیر رن بنائے ریان ہیرس کا شکار بنے۔ انگلینڈ کی دوسری اننگ میں پیٹر سڈل نے چار اور ہیرس نے تین شکار کیے، کینگروز کے مچل جانسن کو میچ میں آٹھ وکٹیں حاصل کرنے پر بہترین کھلاڑی قرار دیا گیا۔

آج پوری دنیا میں انسداد کرپشن کا عالمی منایا جارہا ہے جس کا مقصد عالمی سطح پر کرپشن اور اس سے پید اہونے والے مسائل کے خاتمے کے لیے اقدامات کرنا ہے تاہم عالمی سطح پر کرپشن کو نہ تو ختم کیا جاسکا اور نہ ہی اس برائی سے متاثرہ ممالک میں کسی قسم کے اقدامات کیے جاسکے جس سے ایسے معاشرے مزید کرپٹ ہوتے چلے گئے اور ان معاشروں میں سماجی، معاشی اور سیاسی مشکلات عروج پر پہنچ گئیں دوسری جانب جن ممالک میں کرپشن کا نام و نشان نظر نہیں آتا وہ ممالک معاشی لحاظ سے بھی مستحکم ہیں اور ایسے معاشروں میں معاشرتی اقدار بھی فروغ پارہی ہیں۔ 2009ئ میں پاکستان 40واں، 2010ئ میں 34واں،2011ئ میں 43واں اور 2012ئ کے دوران دوبارہ پھر دنیا کا 34واں کرپٹ ملک بن گیا جبکہ 2013 کی عالمی درجہ بندی میں44واں کرپٹ ملک بن گیا۔ پاکستان کا شمار ایسے ممالک میں ہوتا ہے جہاں نہ صرف کرپشن کو ختم نہ کیا جاسکا بلکہ کرپشن کے باعث ملک معاشی، معاشرتی اور سیاسی حوالے سے تباہی کے دہانے پہ جا پہنچا۔ ملک میںاگر جمہوری عمل کو آمریت سے نقصان پہنچا تو دوسری جانب حکمرانوں کے کرپٹ رویوں اور پالیسیوں کے باعث بھی ملک سیاسی حوالے سے کمزور تر ہوتا چلاگیا۔ زرداری دور حکومت کے دوران ملک کرپشن کی عالمی درجہ بندی میں11 درجے مزید بدتر حالت میں آ گیا اور ملک 45 ویں سے 34 و یں نمبر پر جا پہنچا جبکہ نگراں اور موجودہ نواز دور میں ملک 10 درجے بہتر حالت میں آکر 2013 کی عالمی درجہ بندی میں 44 ویں نمبر پر آگیا۔

Category: General, Human Rights, International, News Bulletins | نیوز بلیٹن, Social Issues, Sports

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher