PPI NEWS Bulletin 1300پی پی آئی نیوزنیوزبلیٹن

December 15, 2013

ہیڈ لائنز:۔

پنجاب میں ڈینگی سے متاثرہ مریضوں میںاضافہ
کراچی،40 سے زائد وارداتوں میں ملوث 2 ٹارگٹ کلرز سمیت 7 ملزم گرفتار ،اسلحہ برآمد
مصر کے آئین میں تبدیلی کے لیے ریفرنڈم اگلے مہینے ہوگا
قومی جونیئر ہاکی ٹیم ورلڈکپ میں شرکت کے بعد وطن واپس پہنچ گئی
اور
گلگت بلتستان کے پہاڑی علاقوں میں تین روز سے مسلسل برفباری سے رابطہ سڑکیں بند

خبروں کی تفصیل:۔

پنجاب میں ڈینگی سے متاثرہ مریضوں کی تعداد میں بتدریج اضافہ ہورہا ہے گزشتہ 24 گھنٹوں کے دوران مختلف شہروں میں 9 مریضوں میں اس جان لیوا بیماری کی تصدیق ہوئی ہے۔ محکمہ صحت پنجاب کی جانب سے جاری کردہ بیان کے مطابق گزشتہ 24 گھنٹوں کے دوران لاہور میں 5 جبکہ راولپنڈی ،شیخوپورہ اور وہاڑی میں ایک ایک مریض میں ڈینگی کی تشخیص ہوئی ہے ، اس کے علاوہ ایک مریض کا تعلق ڈیرہ اسماعیل خان سے بھی ہے۔ اس طرح صوبے بھر میں ڈینگی سے متاثرہ افراد کی تعداد 2 ہزار620 ہوگئی ہے۔ واضح رہے کہ دو برس قبل لاہور میں ایک سو سے زائد افراد ڈینگی کے مرض میں مبتلا ہوکر اپنی جان سے ہاتھ دھو بیٹھے تھے تاہم رواں برس جانی نقصان انتہائی کم ہوا ہے۔

کراچی میں پولیس نے مختلف کارروائیوں میں ٹارگٹ کلنگ کی 40 سے زائد وارداتوں میں ملوث کلر سمیت 7 ملزموں کو گرفتار کر لیا،نجی کمپنی کے دفتر پر نامعلوم افراد کے کریکر حملے سے علاقے میں خوف و ہراس پھیل گیا۔ڈیفنس ویو فیز ٹو میں پولیس نے مبینہ مقابلے میں ٹارگٹ کلر عاشق حسین کو گرفتار کر لیا،پولیس کے مطابق عاشق حسین ٹارگٹ کلنگ کی 40 سے زائد وارداتوں میں ملوث ہے۔ملیر کورٹ کے قریب تین افراد کے قتل میں ملوث ٹارگٹ کلر اصغرلاشاری کو گرفتار کر لیا گیا۔محمود آباد میں مبینہ پولیس مقابلے میں 4 ڈاکو گرفتار کر لئے گئے جبکہ ان کا ایک ساتھی فرار ہو گیا۔ملزمان کے قبضے سے 12 موبائل، اسلحہ اور موٹرسائیکل بھی برآمد کر لی گئی ہے۔

مصر کے آئین میں تبدیلی کے لیے ریفرنڈم اگلے مہینے ہوگا۔ آئین میں ترامیم کے خلاف اخوان المسلمون کی جانب سے مظاہروں کا سلسلہ جاری ہے۔مصر کے عبوری صدر عدلی منصور نے عوام سے اپیل کی ہے کہ وہ آئین میں ترامیم کے حق میں ووٹ دیں۔ ان کا کہنا ہے کہ مجوزہ آئین مصر کو جدید جمہوری ریاست بنانے کی طرف پہلا قدم ہوگا۔ نیا آئین عوام کی آزادی اور ان کے حقوق کے تحفظ کے لیے اہم پیش رفت ہوگا۔ سابق صدر مرسی کے دور میں بنائے گئے آئین میں ترامیم کے لیے ریفرنڈم جنوری کی 14 اور 15 تاریخ کو منعقد ہوگا۔ ترمیم شدہ آئین میں فوج کے لیے وسیع اختیارات تجویز کیے گئے ہیں۔

قومی جونیئرہاکی ٹیم بھارت میں جونیئر ہاکی ورلڈ کپ میں شرکت کے بعد وطن واپس پہنچ گئی۔ قومی ہاکی ٹیم نے مایوس کن کارکردگی کا مظاہرہ کیا اور ایونٹ میں نویں پوزیشن حاصل کی۔ قومی ٹیم ایونٹ میں شرکت کے بعد آج واہگہ کے راستے وطن واپس پہنچ گئی۔ نویں پوزیشن کے میچ میں پاکستان نے بھارت کو پنالٹی شوٹ پر 4-2 سے شکست دی تھی۔

گلگت بلتستان کے پہاڑی علاقوں میں تین روز سے مسلسل برفباری سے رابطہ سڑکیں بند ہوگئی ہیں۔ دیگر بالائی علاقوں میں سردی سے موسمی بیماریاں پھیل رہی ہیں۔گلگت بلتستان میں دیامر کے بالائی پہاڑبابو سر ٹاپ ، بٹوگا ٹاپ اور نیاٹ ویلی میں تیسرے روز بھی برفباری جاری،چلاس میں گہرے بادل چھائے ہوئے ہیں۔تین روز کی مسلسل برفباری کی وجہ سے بالائی علاقوں کی رابطہ سڑکیں بند ہوگئی ہیں۔اسکردو ،ہنزہ نگر اور غذر میں سردیوں میں اضافے سے لکڑیوں کی قیمتیں بڑھ گئی ہیں۔مالاکنڈ اور ہزارہ ڈویژن میں موسم سرد اور خشک ہے جس سے مختلف موسمی بیماریاں پھیل رہی ہیں۔ پنجاب اور سندھ کے مختلف شہروں میں صبح کے اوقات میں دھند چھائی ہوتی ہے جس سے ٹریفک کی روانی متاثر ہورہی ہے۔

Category: Human Rights, International, News Bulletins | نیوز بلیٹن, Politics, Social Issues, Sports, Weather

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher