PPI NEWS Bulletin 1300پی پی آئی نیوزبلیٹن

December 24, 2013

ہیڈ لائنز:۔

مشرف غداری کیس کی سماعت یکم جنوری تک ملتوی
واہگہ بارڈر پر پاک بھارت ڈی جی ایم اوز ملاقات
ڈی جی ایم اوز کی ملاقات کا فیصلہ سیاسی سطح پر ہوا، ترجمان پاک فوج
بھارت،امریکی سفارتخانے کو ریکارڈ جمع کرانے کیلئے دی گئی ڈیڈلائن کا آج آخری روز
اور
ملک بھر میں سردی کی لہر، بالائی علاقوں میں برفباری کے باعث عوام کی مشکلات میں اضافہ

خبروں کی تفصیل:۔

پرویز مشرف غداری کیس کی سماعت یکم جنوری تک ملتوی کردی گئی، آئندہ سماعت پر فرد جرم سنائی جائے گی۔ پرویز مشرف کیخلاف غداری کیس کی سماعت جسٹس فیصل عرب کی سربراہی میں تین رکنی بنچ نے کی۔ سابق صدر کے وکلاءنے 14 دن کے لیے سماعت ملتوی کرنے کی استدعا کردی، جس پر عدالت نے کہا کہ قانون کے تحت صرف 7دن دے سکتے ہیں، غیر حاضری سے پرویزمشرف کوصرف ایک بارآج کیلئے استثنا دیا جاتا ہے، استثنا کی وجہ یہ ہے ملزم کے وکیل نے بتایاکہ انکے راستے میں دھماکا خیزمواد برآمد ہوا، آئندہ تاریخ سماعت پر فرد جرم ملزم کو پڑھ کر سنائی جائے گی۔

واہگہ بارڈر پر پاک بھارت ڈی جی ایم اوز کی میٹنگ جاری ہے ، دونوں ملکوں کے درمیان اس سطح پر یہ میٹنگ چودہ سال بعد ہورہی ہے ، جس کا مقصد بارڈر کی کشیدہ صورتحال میں کمی لانا ہے ، پاک بھارت ڈی جی ایم اوز کی میٹنگ واہگہ بارڈر پر ہورہی ہے، ملاقات میں پاکستان کی نمائندگی میجر جنرل عامر ریاض جبکہ بھارت کی نمائندگی لیفٹیننٹ جنرل ونود بھاٹیا کررہے ہیں۔آئی ایس پی آر کے جاری کردہ بیان میں کہا گیا ہے کہ یہ ملاقات واہگہ بارڈر پر پاکستان کی طرف ہورہی ہے۔

دوسری طرف ترجمان پاک فوج میجر جنرل عاصم سلیم باجوہ نے کہا ہے ڈی جی ایم اوز کی ملاقات کا فیصلہ سیاسی سطح پر ہوا، ملاقات اچھے ماحول میں ہو گی جس میں ایل او سی، ورکنگ باونڈریز پر سیز فائر یقینی بنانے پر غور کیا جائے گا۔ ایک بیان میں ڈی جی آئی ایس پی آر نے کہا کہ ملاقات واہگہ بارڈر پر ہماری طرف ہو رہی ہے۔

بھارت میں امریکی سفارتخانے کے عملے کو اپنا ریکارڈ جمع کرانے کیلئے دی گئی مہلت آج ختم ہو رہی ہے۔نیویارک میں بھارتی خاتون ڈپٹی قونصل جنرل دیویانی کھوبڑا گڑے کی گرفتاری اور ضمانت پر رہائی کے معاملے پر بھارتی حکومت نے اپنا رد عمل ظاہر کرتے ہوئے نئی دلی میں تعینات امریکی سفارت خانے کے عملے کو اپنا مکمل ریکارڈ جمع کرانے کا حکم دیا تھا،دیویانی کے معاملے پر بھارت میں خاصا اشتعال پایا جا رہا ہے اور امرکا سے معافی کا مطالبہ بھی کیا گیا تھا تاہم امریکا نے اس واقعے پر صرف افسوس کا اظہار کیا تھا۔

ملک کے مختلف علاقوں میں برفباری اور بارش کے باعث سردی کی لہر میں اضافہ ہوگیا ہے جبکہ راستے بند ہوجانے سے لوگوں کی مشکلات میں اضافہ ہوگیا ہے۔ پنجاب میں سیالکوٹ اور پوٹھوہار ریجن میں بھی کہیں کیں بارش ہوئی ہے جس نے موسم کو مزید دلفریب بنادیا ہے تاہم وسطی اور جنوبی پنجاب میں کہیں کہیںدھند کا سلسلہ برقرار ہے۔ شمال مشرقی بلوچستان اور ملحقہ علاقوں میں بھی سرد ہواو¿ں کا راج ہے۔ کوئٹہ سے چلنے والی یخ بستہ ہواو¿ں نے کراچی سمیت سندھ اور بلوچستان کے ساحلی علاقوں میں بھی سردی کی شدت بڑھا دی ہے جبکہ بالائی سندھ کے مختلف علاقوں کو دھند نے اپنی لپیٹ میں لے رکھا ہے۔

Category: Human Rights, International, News Bulletins | نیوز بلیٹن, Politics, Social Issues, Weather

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher