PPI NEWS Bulletin 1100پی پی آئی نیوزنیوزبلیٹن

December 15, 2013

ہیڈلائنز:۔

سندھ میں بلدیاتی بلدیاتی انتخابات، پیپلز پارٹی کا تمام نشستوں پر امیدوار کھڑے کرنیکا فیصلہ
پی کے67 ڈیرہ اسماعیل خان میں ضمنی انتخاب ،پولنگ جاری
پارلیمنٹ کو بنیادی انسانی حقوق کی پامالی کا اختیار نہیں، جسٹس دوست محمد
گھریلو صارفین کیلیے گیس کے نرخ نہیں بڑھیں گے، ایم ڈی سوئی ناردرن
اور
طورخم،افغان کسٹم ہاوس میں دھماکا،متعدد افراد زخمی

خبروں کی تفصیل:۔

پیپلزپارٹی کی صوبائی قیادت نے سندھ میں 18جنوری کو ہونے والے بلدیاتی انتخابات کے لیے تمام نشستوں پر امیدوار کھڑے کرنے کا فیصلہ کیا ہے۔ان نشستوں پرپارٹی ٹکٹ ضلعی الیکشن بورڈ جاری کریں گے جبکہ میٹروپولیٹن اور ضلعی حکومتوں کی سطح پرمیئر،ڈپٹی میئر اور دیگر نشستوں کے لیے امیدواروں کا تعین صوبائی الیکشن بورڈ کریگا۔ بلدیاتی انتخابات کے لیے عوامی رابطہ مہم کا آغاز 27 دسمبر کوشہید بے نظیر بھٹو کی برسی کے موقع پرگڑھی خدا بخش میں ہونے والے مرکزی جلسے سے کیا جائے گا۔

خیبر پختونخوا اسمبلی کے حلقہ پی کے67 ڈیرہ اسماعیل خان پر ضمنی انتخاب کے لیے پولنگ جاری ہے، جو شام پانچ بجے تک بغیر وقفے کے جاری رہے گی۔پی کے 67کی نشست خودکش حملے میں سابق صوبائی وزیر قانون اسرار اللہ گنڈا پور کے جاں بحق ہونے سے خالی ہوئی تھی۔ ضمنی انتخاب کے لیے91 پولنگ اسٹیشن اور 233 پولنگ بوتھ قائم کیے گئے ہیں۔ جن میں 36 پولنگ اسٹیشن انتہائی حساس اور 55 حساس قرار دیے گئے ہیں۔ پولنگ اسٹیشنوں پر پولیس کے ساتھ فوج کے اہل کار بھی تعینات ہیں۔ صوبائی الیکشن کمشنر کے مطابق ایک لاکھ 8 ہزار سے زائد ووٹر حق رائے دہی استعمال کر رہے ہیں۔

پشاور ہائیکورٹ کے چیف جسٹس دوست محمد خان نے کہا ہے کہ پارلیمنٹ کو بھی بنیادی انسانی حقوق کی پامالی کا اختیار نہیں، بعض لوگ انسانی حقوق کی فراہمی سے روکنا چاہتے ہیں ، ججز اس پر خاموش نہیں رہیں گے۔ چیف جسٹس پشاور ہائیکورٹ دوست محمد خان جوڈیشل اکیڈمی میں تربیت حاصل کرنے والے سول ججز اور دیگر عدالتی عملے کی تقریب تقسیم اسناد سے خطاب کر رہے تھے۔ جسٹس دوست محمد کا کہنا تھا کہ ملک کا مقدر قانون کی حکمرانی سے وابستہ ہے۔

سوئی ناردرن گیس پائپ لائن کے منیجنگ ڈائریکٹر عارف حمید نے واضح کیا ہے کہ گھریلو صارفین کے بلوں میں ٹیرف کا اضافہ نہیں کیا جارہا۔میڈیا ذرائع سے گفتگو کرتے ہوئے انھوں نے کہا کہ حکومتی پالیسی کی روشنی میں گھریلو صارفین ہماری اولین ترجیح ہیں، اسی لیے گھریلو صارفین کو ترجیحاًگیس کی سپلائی جاری رکھی جارہی ہے۔ باقی بچ جانیوالی گیس انڈسٹریل و پاور سیکٹر میں تقسیم کردی جاتی ہے جبکہ انڈسٹریل سیکٹر میں حکومتی ہدایت کی روشنی میں گیس کی سپلائی جاری رکھنے کے حوالے سے ازسرنو جائزہ لیا جارہا ہے۔

خیبرایجنسی طورخم بارڈر کے قریب افغان کسٹم کمپاو¿نڈ میں دھماکے میں متعدد افراد زخمی ہوگئے۔مقامی ذرائع کے مطابق طورخم سرحد کے قریب افغانستان کی حدود میں خودکش دھماکا ہوا، دھماکے میں کسٹم ہاو¿س کی عمارت کو شدید نقصان پہنچا،جب کہ متعدد افراد زخمی ہوگئے۔ سیکیورٹی ذرائع کا کہنا ہے کہ دھماکا طورخم سرحد کی حدود میں ہوا جس میں افغان کسٹم ہاو¿س میں موجود عملے کے متعدد افراد شدید زخمی ہوئے۔ جب کہ کسٹم ہاو¿س کی عمارت کو بھی شدید نقصان پہنچا۔زخمیوں کو مقامی اسپتال منتقل کردیا گیا ہے، جب کہ پاک افغان بارڈر پر طور خم کے مقام پر دھماکے کے بعد آمد و فت معطل ہوگئی ہے۔

Category: Human Rights, International, News Bulletins | نیوز بلیٹن, Politics, Social Issues

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher