PPI NEWS Bulletin 0900پی پی آئی نیوز بلیٹن

December 11, 2013

ہیڈلائنز:۔

نوازشریف نے کرزئی پرزوردیاکہ سیکیورٹی معاہدہ کرلیا جائے،جیمز ڈوبنز
الیکشن تک امریکا سے سیکورٹی معاہدے پر دستخط نہیں کرونگا
7دن میں 26 لاپتا افراد کو بازیاب کرایا جائے، سپریم کورٹ کا حکم
حیدرآباد میں وفاقی اور ساہیوال میں زرعی یونیورسٹی بنانے کی قرارداد منظور
اور
ملک کے بیشتر شہروں میں آج موسم سرد اور خشک رہے گا

خبروں کی تفصیل:۔

امریکی نمائندہ خصوصی جیمزڈوبنزکاکہناہے کہ پاکستان کے وزیر اعظم نوازشریف نے افغان صدرحامد کرزئی پر زور دیا کہ 2014ئ کے بعدامریکی فوج رکھنے کا معاہدہ کر لیا جائے۔امید ہے بھارت حامد کرز ئی کوسیکیورٹی معاہدے پر دستخط کے لیے منا لے گا۔واشنگٹن میں پاکستان اور افغانستان کیلیے خصوصی نمائندے جیمز ڈوبنز نے سینیٹ کمیٹی کو سیکیورٹی معاہدے سے متعلق بریفنگ دی۔ انھوں نے بتایا کہ پاکستان، چین اور روس نے بھی امریکاافغان سیکیورٹی معاہدے کی حمایت کی ہے۔پاکستانی وزیراعظم نوازشریف ،چینی صدرشی جن پنگ اورروسی صدرولادمیرپیوٹن افغان صدرکی معاہدے پردستخط کیلیے حوصلہ افزائی کی جبکہ ایران نے معاہدے کی مخالفت کی ہے۔

افغان صدر حامد کرزئی نے اگلے انتخابات تک امریکا کے ساتھ سیکورٹی معاہدے پر دستخط کرنے سے انکار کردیا ہے۔ حامد کرزئی کا کہنا ہے کہ امریکا افغانستان میں قیام امن کے لیے سنجیدہ ہے تو انھیں دیوار سے نہ لگائے۔ فرانسیسی اخبار کو انٹرویو میں افغان صدر حامد کرزئی کا کہنا تھا پاکستان اور افغانستان کیلیے امریکی ایلچی جیمز ڈوبن نے انھیں افغانستان کے حالیہ دورے کے موقع پر کہا تھا کہ سیکیورٹی معاہدے کے بغیر افغانستان میں امن نہیں ہوسکے گا۔ افغان صدر کا کہناتھا جیمز ڈوبن کے بیان کا مطلب یہ ہوا کہ اگر افغانستان معاہدے پر دستخط نہیں کرے گا تو وہ جنگ بھڑکائیں گے اور مسائل پیدا کریں گے۔

چیف جسٹس آف پاکستان جسٹس افتخار محمد چودھری اپنے کیریئر کا آخری دن آج سپریم کورٹ میں گزاریں گے۔عدالت نے لاپتا افراد کیس میں آج قائم مقام آئی جی ایف سی بلوچستان کو صبح ساڑھے 9 بجے طلب کیا ہے۔ کل چیف جسٹس افتخار محمد چودھری کی سربراہی میں 3رکنی بنچ نے لاپتا افراد کیس کی سماعت کی۔ وزارت دفاع نے ایک بیان میں کہا ہے کہ لاپتا افراد کیس پر سپریم کورٹ کا حتمی فیصلہ آئے گا تو اس کا جائزہ لینے کے بعد ہی نظرثانی کی درخواست دائر کی جا سکتی ہے۔ وزارت دفاع کا موقف ہے کہ 35لاپتا افراد فوج یا ایجنسیوں کے پاس نہیں ہیں۔

قومی اسمبلی میں حیدرآباد میں وفاقی یونیورسٹی اور ساہیوال میں زرعی یونیورسٹی کے قیام کی قراردادوں کی منظوری دے دی گئی۔ قومی اسمبلی میں حیدر آباد میں وفاقی یونیورسٹی کے قیام سے متعلق قرارداد ایم کیو ایم کے رکن قومی اسمبلی سید وسیم حسین نے پیش کی۔ ساہیوال میں زرعی یونیورسٹی کے قیام کی قرارداد رائے حسین نواز خان نے پیش کی۔ قراردادوں کی منظوری کے موقع پر وزیر مملکت برائے تعلیم میاں بلیغ الرحمان کا کہناتھا ملک بھر میں اعلیٰ تعلیمی ادارے قائم کرنے کی ضرورت ہے۔

ملک کے بیشتر شہروں میں آج موسم سرد اور خشک رہے گا تاہم کشمیر،گلگت بلتستان،خیبر پختونخوا اور راولپنڈی ڈویڑن میں کہیں کہیں ہلکی بارش اور برفباری کا امکان ہے۔ محکمہ موسمیات کے مطابق آج مالاکنڈ، ہزارہ، پشاور ، راولپنڈی ڈویڑن، کشمیر اور گلگت بلتستان میں بادل چھائے رہنے کے علاوہ چند ایک مقامات پر ہلکی بارش کی توقع ہے، پہاڑوں پر برفباری بھی ہوسکتی ہے۔ پنجاب کے میدانی علاقوں میں صبح کے وقت کہیں کہیں دھند چھائی رہے گی۔ گزشتہ روز ملک میں سب سے کم درجہ حرارت پاراچنار اور اسکردو میں منفی 5 ڈگری سینٹی گریڈ رکارڈ کیا گیا۔

Category: International, News Bulletins | نیوز بلیٹن, Politics, Weather

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher