PPI NEWS Bulletin 0800پی پی آئی نیوز بلیٹن

December 11, 2013

ہیڈلائنز:۔

چیف جسٹس افتخار محمد چوہدری آج رٹائر ہوجائیں گے
بنگلہ دیش: سپریم کورٹ نے عبدالقادرملا کی سزائے موت پر عملدرآمدروک دیا
سندھ بھر کے سی این جی اسٹیشنز صبح 8بجے سے 2دن کیلئے بند
بل ایوارڈز 2013میں امریکی چھاگئے
اور
پاکستان اور سری لنکاکے درمیان پہلا ٹی 20 میچ آج کھیلا جائے گا۔

خبروں کی تفصیل:۔

چیف جسٹس افتخار محمد چوہدری آج رٹائر ہوجائیں گے۔ پاکستان میں عدلیہ آج جس مقام پر ہے اور عوام میں جو مثبت تاثر رکھتی ہے اس کے لیے افتخار محمد چوہدری کے کردار کو بہت اہمیت حاصل ہے۔ چیف جسٹس افتخار محمد چوہدری کوئٹہ میں پیدا ہوئے اور اور یہیں ابتدائی تعلیم حاصل کی ۔ افتخار چودھری نے اپنے قانون کی ڈگری حیدرآباد سندھ سے حاصل کی اور پھر پریکٹس کا آغاز 1974میں کوئٹہ سے کیا اور ڈسٹرکٹ کورٹ میں بطور ایڈوکیٹ اپنا اندراج کروایا۔ انہوں نے آئینی، فوجداری ،سول اور محصولات جیسے معاملات پر گہری نگاہ رکھی۔

بنگلہ دیش کی سپریم کورٹ نے 1971ئ کی جنگ میں جنگی جرائم میں ملوث پائے جانے والے جماعت اسلامی کے رہنما عبدالقادر ملا کو دی گئی سزائے موت پر عملدرآمد روکنے کا حکم دیا ہے۔عبدالقادر ملاکے وکلا کاکہناہے کہ منگل کی رات سزائے موت پر عملدرآمد ہونے سے صرف ڈیڑھ گھنٹہ قبل سپریم کورٹ نے یہ حکم جاری کیا۔۔سپریم کورٹ کے رجسٹرارکے مطابق جماعت اسلامی کے رہنما نے موت کی سزا کے فیصلے کے خلاف نگرانی کی درخواست دائر کر رکھی ہے جس کی سماعت آج صبح ہوگی۔اس لیے موت کی سزاپرعملدرآمدکوملتوی کیاگیاہے۔

سندھ میں گیس لوڈ مینجمنٹ کے تحت صبح8بجے سے سی این جی اسٹیشنز کو 48 گھنٹوں کے لئے بند کیا جارہا ہے ، جو جمعہ کی صبح 8 بجے کھلیں گے۔کراچی سمیت سندھ بھر میں سی این جی فلنگ اسٹیشنز گیس لوڈ مینجمنٹ شیڈول کے تحت صبح 8بجے سے بند ہو رہے ہیں، سی این جی ایسوایشن کے مطابق48 گھنٹوں کی بندش کے بعد صوبے بھر کے تمام سی این جی اسٹیشنز جمعہ کی صبح 8 بجے کھل جائیں گے۔

2013 کے نوبل ایوارڈز کا اعلان کردیا گیا۔سب سے زیادہ ایوارڈز امریکیوں کے نام رہے۔سوئیڈن کے شہر اوسلو میں منعقد ہونے والی نوبل انعام کی تقریب میں سوئیڈن کے بادشاہ کارل گسٹاف نے ایوارڈز دیے۔ہر سال 10دسمبر کو ڈائنامائٹ ایجاد کرنے والے الفریڈ نوبل کی یاد میں نوبل ایوارڈ دیا جاتا ہے۔یہ انعام جیتنے والوں کو 12 لاکھ پچاس ہزار ڈالرز کی انعامی رقم بھی دی جاتی ہے۔شام میں کیمیائی ہتھیاروں کو تلف کرنے والے ادارے OPCW نے بھی نوبل انعام جیتا۔اس ادارے کو سراہنے کے لیے ناروے میں بھی ہزاروں افراد نے مشعل بردار جلوس نکالا۔

پاکستان اور سری لنکا کی کرکٹ ٹیموں کے درمیان پہلا ٹی 20 میچ آج کھیلا جائے گا، دبئی میں ہونے والے میچ کیلئے آئی لینڈرز نے آج ٹریننگ سیشن میں حصہ لیا جبکہ گرین شرٹس کی پریکٹس جاری ہے۔دبئی انٹرنیشنل کرکٹ اسٹیڈیم میں پاکستانی شاہینوں اور سری لنکن ٹائیگرز کے درمیان جنگ ہوگی۔سری لنکا کی تیاریوں پر پاکستان ٹیم مینجمنٹ کی گہری نظر ہے اور کھلاڑیوں کو بھی یہ بات بتادی گئی کہ افغانستان کے خلاف میچ جیسی پرفارمنس آئی لینڈرز کے خلاف کسی صورت قبول نہیں، گرین شرٹس کو اگر فاتحانہ کارکردگی دکھانا ہے تو تربیتی سیشن میں کمال فن کیلئے خوب پسینہ بہانا ہے۔

Category: General, International, News Bulletins | نیوز بلیٹن, Politics, Sports

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher