Dog Marriages in India to Prevent Rabiesبھارت میں کتوں کی پہلی شادی

February 24, 2014

عالمی ادارہ صحت کے مطابق دنیا بھر میں ریبیزسے ہونیوالی چالیس فیصد اموات بھارت میں ہوتی ہیں، بھارت بھر میں ہر سال بیس ہزار کے لگ بھگ افراد ریبیز انفیکشن کے باعث ہلاک ہوجاتے ہیں، اسکی روک تھام کیلئے جے پور میں ایک منفرد مہم شروع کی گئی ہے، اسی بارے میں سنتے ہیں آج کی رپورٹ

گووا گارڈن کے نمائشی مرکز کے سجے ہوئے دروازے پر ایک ہاتھی مہمانوں کا استقبال کررہا ہے، یہ مہمان جرمن شیفرڈ، سینٹ برنارڈ اور کچھ آوارہ کتے ہیں۔

گنگر نامی کتیا اپنے مالک سمیر لال کے ہمراہ یہاں موجود ہے، جو یہاں دلہن کے خاندان کی طرف سے شریک ہیں۔

سمیر”ہم یہاں اپنے خاندان کے کتے کی شادی کیلئے جمع ہوئے ہیں، یعنی ہم خاندان کے اراکین سمجھے جاسکتے ہیں”۔

ویرن شرما اس شادی کے آرگنائزر ہیں۔

ویرن شرما”تقریب کا بنیادی خیال دو خوبصورت کتوں کا ملاپ ہے، ہم ان کتوں کو ہنی مون پر بھی بھیجیں گے، درحقیقت یہ ایک پرمزاح شادی ہے جس کے ذریعے ہم آوارہ کتوں کی دیکھ بھال کے خیال کو فروغ دینا چاہتے ہیں، یہ کتے صدیوں سے بھارتی معاشرے کا حصہ بنے ہوئے ہیں”۔

عالمی ادارہ صحت کے مطابق بھارت میں ہر سال ڈیڑھ کروڑ افراد کو جانور کاٹ لیتے ہیں، جن میں اکثریت کتوں کا نشانہ بنتی ہے، جس کے باعث تیس ہزار افراد ریبیز کا شکار ہوکر مرجاتے ہیں۔ آوارہ کتوں کو گھر لانے کی مہم کا مقصد بھی ان جانوروں کو ویکسین دلوانا ہے کیونکہ حکومت اس مسئلے پر قابو پانے میں ناکام ہوچکی ہے۔

کچھ مہمانوں کو کنٹرول کرنا بہت مشکل ہوگیا، تاہم کچھ خاموشی سے بیٹھے ہوئے ہیں۔

کچھ بچے دلہا اور دلہن بنے کتوں کی ڈرائنگز بنارہے ہیں، چھٹی جماعت کے طالبعلم گگن اپنی ڈرائنگ میں ایک خوبصورت قدرتی منظر کے سامنے دلہا بنے کتے کو دکھا رہا ہے۔

گگن”ہمارے معاشرے میں کتوں کیساتھ اچھا سلوک نہیں ہوتا، تو اس تقریب کے ذریعے یہ پیغام دیا جارہا ہے کہ لوگ آوارہ کتوں پر ظلم کرنا چھوڑ دیں۔ ان کتوں کو ویکسینیشن نہیں ہوتی اور انہیں مناسب کھانا بھی نہیں ملتا”۔

روڈی اور لالہ نامی کتوں کی شادی ہوگئی اورویرن نے اس کا اعلان کیا۔

ویرن”یہ جوڑا اب خاندانی منصوبہ بندی کا وعدہ کرے گا، اور دلہا یہ عہد کرے گا کہ وہ اب کسی اور کتیا کی جانب نہیں دیکھے گا”۔

اس عہد کے بعد جوڑے کے سامنے ایک بڑا کیک رکھا گیا جو ہڈی کی شکل میں تھا۔

یہ بھارت میں کتوں کے درمیان ہونیوالی پہلی شادی ہے، کے ایل شرما اس تقریب میں اپنے کتے باکسر کے ہمراہ شریک ہیں۔

شرما”پیغام بالکل واضح ہے، کہ آج کی دنیا میں لوگ جانوروں سے تو کیا ایک دوسرے سے بھی محبت نہیں کرتے۔ میرے خیال میں ہمیں اپنے جانوروں سے پیار کرنا چاہئے، تاکہ ہم بروقت ان کی ویکسینیشن کراسکیں، لوگوں کو کتوں کا خیال رکھنا چاہئے، میرا کتا اب ریبیزسے محفوظ ہے”۔

شادی میں واپس آتے ہیں جہاں پارٹی جاری ہے، کچھ ماڈلز اپنے کتوں کے ہمراہ کیٹ واک کررہی ہیں، جبکہ پس منظر میں میوزک گونج رہا ہے۔

Category: Asia Calling | ایشیا کالنگ

Comments are closed.

burberry pas cher burberry soldes longchamp pas cher longchamp pas cher polo ralph lauren pas cher nike tn pas cher nike tn nike tn pas cher air max 90 pas cher air max pas cher roshe run pas cher nike huarache pas cher nike tn pas cher louboutin pas cher louboutin soldes mbt pas cher mbt pas cher hermes pas cher hollister pas cher hollister paris herve leger pas cher michael kors pas cher remy hair extensions clip in hair extensions mbt outlet vanessa bruno pas cher vanessa bruno pas cher vanessa bruno pas cher ralph lauren pas cher