PPI NEWS Bulletin 1100 پی پی آئی نیوز بلیٹ
ہیڈلائنز:۔
وزیراعظم اور وزیراعلیٰ پنجاب کو دھمکیاں مل رہی ہیں، رانا ثناءاللہ
الیکشن کمیشن اور صوبائی حکومتوں میں بلدیاتی انتخابات پر ڈیڈلاک
اس برس صحرائے تھرکے زہریلے سانپ 1900 افراد کوڈس چکے
آج ملک بھر میں علامہ اقبال کا یوم پیدائش منایا جارہا ہے۔
اور
فلپائن میں ہیان طوفان نے تباہی مچادی،ہلاکتیں 100 سے بڑھ گئیں
خبروں کی تفصیل:۔
وزیرقانون پنجاب راناثناءاللہ نے کہا ہے کہ وزیراعظم میاں نواز شریف اور وزیراعلیٰ پنجاب میاں شہباز شریف کو دھمکیاں مل رہی ہیں۔وزیرقانون پنجابنے میڈیا سے بات چیت کرتے ہوئے کہا کہ وزیراعظم اور وزیراعلیٰ پنجاب کو سیکیورٹی خدشات ہیں،محرم الحرام کے دوران دہشت گردی کا خطرہ ہے۔ رانا ثناءاللہ کا کہنا تھا کہ پرویز مشرف نے آرٹیکل 6 کی خلاف ورزی کی ، ان کے خلاف آرٹیکل 6 کے تحت کارروائی کے لیے کمیٹی بنادی، اگرکمیٹی نے بھی مشرف کو مجرم پایا تو ان کیخلاف کارروائی کی جائے گی۔
سندھ اور پنجاب میں بلدیاتی انتخابات کے سلسلے میں حکومت کی جانب سے بیلٹ پیپرز کی تیاری میں الیکشن کمیشن کی معاونت سے صاف انکار اور قومی اسمبلی سے التوا کی قرارداد کے بعد الیکشن کمیشن اور صوبائی حکومتوں کے درمیان 27 نومبر اور 7 دسمبر کو بلدیاتی انتخابات کے انعقاد اور انتظامات میں ڈیڈلاک پیدا ہوگیا ہے۔ 24 گھنٹے آج پورے ہوگئے، چیف سیکریٹریز کی جانب سے الیکشن کمیشن کو حلقہ بندیوں کے نوٹیفکیشن نہیں پہنچائے جاسکے ہیں جبکہ لاہور ہائیکورٹ سے پنجاب میں بلدیاتی انتخابات جماعتی بنیادوں پر کرانے کے فیصلے کے بعد پنجاب میں بلدیاتی انتخابات کیلیے غیر جماعتی بنیادوں کے لیے تیار کیا گیا ایکٹ جماعتی بنیادوں پر انتخابات کے حکم کے بعد قابل عمل نہیں رہا۔
آج مصور پاکستان علامہ ڈاکٹر محمد اقبال کا 136واں یوم پیدائش منایا جا رہا ہے۔ برصغیر کے مسلمانوں کی آزادی کی فکر کے ساتھ ساتھ اقبال نے امت کو خودی کا درس بھی دیا۔ علامہ اقبال ہندوستان کے مسلمانوں کی ابترصورتحال پر افسردہ تھے، انہوں نے مسلمانوں کیلئے الگ وطن کا خواب دیکھا، ایک ایسے وطن کا خواب جہاں مسلمان مذہبی اور سماجی آزادی کے ساتھ جی سکیں۔اقبال کے نزدیک نوجوان مستقبل اور قوم کی امید ہوتے ہیں ، اقبال مسلمانوں کو تعلیم اور تحقیق کا درس دیتے تھے ، وہ ایسی سوچ کے مخالف تھے جو انسان کو محدود کردے۔
اس سال سانپ کے ڈسنے کے 1900 واقعات ہو چکے ہیں۔صحرائے تھر میں زہریلے سانپوں نے بھوک و پیاس کے ستائے مکینوں کی زندگی اجیرن کر دی، اس سال مختلف علاقوں میں1900سے زائد افراد کو سانپوں نے ڈس لیا۔ سرکاری اعدادو شمار کے مطابق سال 2012ءمیں ضلع بھر میں2111 افرادزہریلے سانپوں کا نشانہ بنے جبکہ سال رواں میں تاحال 1904لوگ سانپ کے کاٹنے سے زخمی ہو چکے ہیں۔