ہیڈلا ئنز:۔

ڈیرہ غا زی خا ن میں مسافر بسوں میں تصادم ،سات افراد جا ں بحق
جیکب آ با د میں اسٹیشن کے قریب دھما کہ ، 3 مسافر جا ں بحق ، متعدد زخمی
کرا چی میں مختلف وارداتو ں میں ملوث پندرہ ملزما ن زیر حراست
با جو ڑ ایجنسی میں شدت پسندو ں سے جھڑپوں میں 11 دہشتگردہلاک
اور
شا رجہ ون ڈے ، آسٹریلیا نے پا کستان کو چا ر وکٹو ں سے شکست دیدی

خبروں کی تفصیل:۔

ڈیرہ غازی خان کے قریب کالا کے مقام پر دو بسوں میں تصادم کے نتیجے میں ہلاک افراد کی تعداد7ہو گئی ہے جبکہ73مسافر زخمی ہیں۔ پولیس ذرائع سے ملنے والی اطلاعات کے مطابق مسافر بسیں کراچی سے پشاور جارہی تھیں کہ کالا کے مقام پر تصادم ہو گیا جس کے نیتجے میں کم از کم 5افراد موقع پر ہلاک اور 75زخمی ہو گئے۔ ہلاک اور زخمی ہونے والوں کو ڈی ایچ کیو اسپتال منتقل کر دیا گیا جہاں دو زخمی بھی دم توڑ گئے جس کے بعد حادثے کے نتیجے میں ہلاک افراد کی تعداد7ہو گئی۔ اسپتال ذرائع کے مطابق کم از کم15زخمیوں کی حالت اب بھی نازک ہے اور ہلاکتوں میں اضافے کا خدشہ بدستور موجود ہے۔

جیک آباد میں دل مراد اسٹیشن کے قریب دھماکا ہوا ہے ، جس سے کراچی سے پشاور جانیوالی خوشحال خان خٹک ایکسپریس کی 7 بوگیاں پٹری سے اتر گئی ہیں.ڈی ایس ریلوے کے مطابق سکھر سے امدادی ٹرین روانہ کردی گئی ہے اور افسران بھی موقع پر پہنچ رہے ہیں. ابتدائی اطلاعات کے مطابق دل مراد اسٹیشن کے قریب ہونے والے دھماکے سے 3مسافر جاں بحق جبکہ متعدد زخمی ہو گئے ہیں۔

کراچی کے مختلف علاقوں میں پولیس نے کارروائی کرتے ہوئے جرائم کی مختلف وارداتوں میں ملوث 15 ملزمان کو گرفتار کرلیاایس ایس پی ویسٹ عامر فاروقی کے مطابق مومن آباد کے علاقے فقیر کالونی میں پولیس مقابلے کے بعد گینگ وار سے وابستہ پانچ ملزمان کو گرفتار کرلیا گیا. سعید آباد کے علاقے میں منشیات فروشی کے الزام میں چھ افراد کو گرفتار کرلیا گیا.اے ایس پی سید علی آصف کے مطابق ایم اے جناح روڈ پر میڈیکل کالج کے قریب پولیس مقابلے کے بعد اسٹریٹ کرائم میں ملوث دو ملزمان کو مقابلے کے بعد زخمی حالت میں گرفتار کرلیا گیا. ڈی ایس پی گلشن اقبال الطاف حسین کے مطابق مبینہ ٹاوین کے علاقے میں اسٹریٹ کرائم کی وارداتوں میں ملوث دو ملزمان کو گرفتار کرلیا۔تما م گرفتار ملزما ن کے قبضے سے اسلحہ ، منشیات ،موٹرسائیکلیں اور موبائل فونز برآمد کرلیے گئے ہیں ۔

باجوڑ کے بٹواربارڈر کے علاقے میں سیکورٹی فورسز اورشدت پسندوں کے درمیان جاری جھڑپوں میں مزید گیارہ دہشتگرد ہلاک ،متعددزخمی جبکہ آٹھ کوگرفتارکرلیا گیا ہے۔ عسکری ذرائع کے مطابق سکیورٹی فورسز نے ہلاک ہونے والے بعض شدت پسندوں کومردہ حالت میں اپنی تحویل میں لے لیا ہے۔ دوسری جانب شدت پسندوں کیخلاف جاری کارروائی میں تین سکیورٹی اہلکاروں نے جام شہادت نوش کیا جبکہ بعض اہلکارابھی لاپتہ ہیں۔

پاکستان اور آسٹریلیا کے درمیان تین ایک روزہ میچوں کی سیریز کے پہلے میچ میں آسٹریلیا نے پاکستان کو 4وکٹوں سے شکست دے دی۔شارجہ میں کھیلے جانے والے میچ میں پاکستان نے فتح کے لئے آسٹریلیا کو 199رنزکا ہدف دیا جس کو آسٹریلیا نے 48.2اوورز میں پورا کرکے پاکستان کو4 وکٹوں سے شکست دے دی۔آسٹریلیا کی جانب سے سب سے کامیاب بیٹسمین کلارک رہے جنہوں نے66 رنز بنائے۔پاکستانی بیٹسمینوں نے کپتان مصباح الحق کے پہلے بیٹنگ کرنے کے فیصلے سے زیادہ فائدہ نہیں اٹھایا اور بڑے مجموعے کی تشکیل میں ناکام رہے۔آسٹریلیا کی جانب سے مچل اسٹارک نے عمدہ بولنگ کا مظاہرہ کیا اور5پاکستانی بیٹسمینوں کو آو¿ٹ کیا جبکہ جیمز پیٹنسن نے3وکٹ لئے۔پاکستان کی جانب سے سعید اجمل نے 3 ،محمد حفیظ نے2 جبکہ شاہد آفریدی نے ایک وکٹ حاصل کی۔